کور پاڼه / پښــــتو ادب / شعـــــرونه / شپږ ويشتمه  آنلاين  في  البديهه  مشاعره

شپږ ويشتمه  آنلاين  في  البديهه  مشاعره

ترتيب : مستور مجاهد

د تېرې  جمعې  د شپې  آنلاين  في  البديهه  مشاعره  چې  د ښاغلي ( عرفان  الله  عرفاني )  صاحب  د فيس  بوک  پر دېوال  تره  سره  شوه په  لاندې  ترتيب  يې  کتلی  شئ!

د معمول  سره  سم  دا دی  مشاعره  د ښاغلي مولوي محمد هاشم ذاکر صاحب  د شعر په  مطلع  پيلوو خپل  بيتونه  مو په  همدې  قافيه  او رديف  راپيل  کړئ!

د غرونو غوندې  غواړي  حوصلې  انقلابونه
راوړي  په  ژوندانه  سختې  شېبې  انقلابونه
ـــــــــــــــــــــــــــــــــــــــــــــــــــــــــــــــــــــ
کوډلې  د غليم  ورسره  وړي  د مرګ  تر کندې
دا زموږ روان  څپې  څپې  څپې  انقلابونه
ياسين  حمزه

غازي  جانانه  دا ستر فتوحات  دې  مبارک  شه
ضرور به  راولي  ستا کار نامې  انقلابونه
عبدالباقي  مهاجر

وطنه  ستا په  ننګ  او په  غيرت  به  افتخار کړو
هر څوکه  رانه  غواړې  جنازې  انقلابونه
مسلم  يار

په  اوښکو او په  وينو آزادۍ  کورته  راوړل  دي
ګالې  به  حوادث  درنې  قيصې  انقلابونه
حيدري  جان

دا سپر طاقتونه  چې  نن  ټول  ورته  حيران  دي
طالب  جانان  شروع  کړل  له  حجرې  انقلابونه
ع.عرفاني

له  ننګه  ډک  ټبرونه  به  زغمي  د جهاد سختې
لري  ډېرې  ستړياوې  او ترخې  انقلابونه
عزيزالله  حسيني

که  غواړې  د هدف  تر کلي  ورسېږې  ګرانه
ميدان  باندې  همېش  غواړه  جذبې  انقلابونه
عصمت  الله  بشام

په  لوی  الله  دې  سپارم  په  محشر به  مېلاوېږو
راغلې  دې  ای  ناوې  پښتنې  انقلابونه
هاشم  سادات

ميدان  د حماسو کې  سپينې  تورې  چې  پړکېږي
لري  لا د تکبير تاندې  نغمې  انقلابونه
قيس  خپلواک

په  مرګ  او تشدد انقلاب  نه  بريالی  کېږي
ګټلي  همېشه  سړې  سينې  انقلابونه
عبدالمالک  ستانېزی

دا ژوند څه  بې  مزې  شو د خزان  سېلۍ  رالوتې
خواږه  خواږه  ملګري  رانه  وړې  انقلابونه
ذاهد

ډېر شکر دی  په  لر او بر کې  فتحې  دې  رادرومي
ای  ګرانه  مجاهده  ستا جذبې  انقلابونه
تپاند زهاد

غليمه  چې   دفاع  دې  د ايمان  په  قوت  کېږي
ډالر باندې  په  څنګه  راولې  انقلابونه
مطېع  الله  جواد

جانانه  ستا دا نوم  ډېر زيات  ښايسته  راته  ښکارېږي
چې  وايې  خلم  راځي  بې  اندازې  انقلابونه
لياقت  الله  حيدري

ګډا او په  سندرو چېرته  هم  راتلل  نه  شي
راوړي  د شهيدانو جنازې  انقلابونه
هجران  ګل

ځوانان  چې  سره  يوشي  جوړوي  لوی  سېلابونه
د کفر خلي  وړي  لکه  ويالې  انقلابونه
عبدالحق  ريحان

لا دانګو سنګرو ته  ستړي  نه  يو له  جنګونو
اوس  ډکې  په  ځوانانو هدېرې  انقلابونه
ريحان  جان  ذاهد

ډېر  تېر شول  په  سرعت  کې  ښايسته  ځوانۍ  يې  يوړې
لا پاتې  دي  کتار کتار غصې  انقلابونه
نورالله  جان  ځدران

هېواده  ستا بچي  په  آزادۍ  ګټي  په  وينو
تاريخ  به  يې  ستا يي  تل  کارنامې  انقلابونه
جاويدګل  رشاد

د سر خلک  اکثر سره  محفل  کوي  خوشحال  دي
اوس  مونږه  يو او ټکنده  غرمې  انقلابونه
حماد افغان

وطنه  سپين  بيرغ  به  رپوو که  خدای  کولو
د فتحې  زمزمې  دي  زلزلې  انقلابونه
جمعه  ګل  صابري

که  سرمو وي  ببر او که  شلېدلی  مو ګرېوان  وي
راوړي  زمونږ  پګړۍ  او دا شملې  انقلابونه
هدايت  الله  طلحه

امير مو هيبتي  دی  موږ هم  واړه  هيبتيان  يو
راوړي  به  رڼا ګانې  او ډېوې  انقلابونه
هدايت  بدر

که  څومره  وي  ستړياوې  او سختۍ  په  دغه  لار کې
همدومره  بيا لري  ګورې  مزې  انقلابونه
خليل  ماليار

له  ډېرو سلګکيو نه  آرام  ته  يو وتلي
راوړي  د يتيمانو اوښکې  مړې  انقلابونه
مالک  وفا

د فتحو اعلانونه  او دا سپين  سپين  بيرغونه
جګ  شوي  شاه زلمي  بيابه  راوړې  انقلابونه
بهار نصرت

ملګرو تلوار مه  کوئ  سهار په راختو دی
ختمېږي  به  دا تورې  تورې  شپې  انقلابونه
منصور افغان

را پاڅئ  رڼو ستورو د تيارو پر صد قيام  دی
راوړي  به  مو ټاټوبې  ته  سپېدې  انقلابونه
خطرناک  آب بندي

د ستا عشق  کې  سوځېږم  د ستا عشق کې  دردېږم
مين  يمه  راځي  پرما څپې  انقلابونه
متوکل  طالب

وطن  د انقلاب  دی  دا ډګر دانقلاب  دی
زلمي  لري  احساس  تاندې  جذبې  انقلابونه
حامد افغان

زموږ خلک  خو ټول  په  پاک  الله  باندې  مين  دي
کږې  د ظالمانو  به  کړې  خولې  انقلابونه
محمد بشير

د تورو پنجرو شاته  ای  زما بندي  جانانه
له  پښو به  دې  کړي  ماتې  زولنې  انقلابونه
ع.عرفاني

دا خور يې  چې  نن  ژاړي  کتابونوته  د ورور يې
جوړ شوي  دې  له  هرې  مدرسې  انقلابونه
حضرت  الله  صديقي

کفار يې  په  ګنډو کړل  او د تښتې  بهانه  غواړي
شروع  چې  طالب  جان  کړل  له  حجرې  انقلابونه
نور سهاک

تر هغې  به  و لاړ  د امارت  په  سپين  دريز يم
چې  نشمه  سل ځاي  ټوټې  ټوټې  انقلابونه
تسل  منيب

راځئ  راځئ  راپاڅئ  ای  مؤمنو مسلمانو
نور وخت  رارسېدلی  د همدې  انقلابونه
حيات  خان

بيرغ  د استقلال  مو نن  په  ټول  هېواد کې  رفي
غربيان  څپو اخيستي  چېرته  وړې  انقلابونه
غزنوي

ډېر زر به  خدای  سبا کړي  تورتمونه به  فنا شي
رڼا رڼا وشيندي  سپېدې  انقلابونه
بې  وطنه  فردېس

د تن  په  وينو ساتو د جهاد پاک  سنګرونه
راوړي  د شازلميو قافلې  انقلابونه
زکريا دروېش

زموږ په  چم  کې  وسول  د چنار او نښتر څانګې
راوړي  زموږ وطن  ته  سرې  لمبې  انقلابونه
قيس  درمان

نعرې  د تکبېرونو او دا سپين  سپين  بيرغونه
غږونه  د تکبير کړي  انګازې  انقلابونه
زرقاوي  مهاجر

ياغي  باغې  لښکرې  د فرعون  پکې  را ګير دي
وهي  د رودنيل  غوندې  څپې  انقلابونه
ذاهدي  سهاک

دا زمونږه  وياړ زمونږه  افتخار دی  په  نړۍ  کې
شرنګېږي  مو لاسوکې  زولنې  انقلابونه
قاري  مصباح  طالب

ورکړي  مو سرونه  په  دې  لار د انقلاب  کې
برداشت  مو کړې  هر رنګه  صحنې  انقلابونه
سيد کامران

دا اوښکې  مې  را پاکې  کړئ  تسل  زړګي  ته  راکړئ
د ظلم  او وحشت  سختې  شېبې  انقلابونه
حمزه  افغان  حسيني

کفار به  په  ټيټ  سر او ځي  له  دې  ګرانه  وطنه
شروع  کې  کړې  طالب  دا معرکې  انقلابونه
مظهور طالب

د فتحو ورځې  شپې  دي  خدايه  څومره  خوشحالي  ده
راوړي  به  اوس  ضرور خوږې  شېبې  انقلابونه
ذاهد افغان

سپېڅلی  طالب  جان  يم  ننګيالی  د زمانې  يم
راځي  ځکه  پر ما سختې  شېبې  انقلابونه
متوکل  طالب

پرمخ  ځه  مجاهده  خپل  مسير نه  په  شا نه  شې
دې  لاره  کې  راځي  سختې  شېبې  انقلابونه
زرخان  سهاک

ډېر زر دی  چې  سپين  څرک  د سپين  سبا جهان  رڼاکړي
د سر په  بيعه  ساتي  پرګنې  انقلابونه
حارث  هلمندي

پر مونږه  افغانانو خوښي  هېڅ  نه  ده  راغلې
راځي  پر موږ د ورځې  هم  د شپې  انقلابونه
صفي  الله  ځدران

کندز هلمند فراه  او روزګان  درته  سبق  کړه
په  سرمستو مدام  کړو داکانې  انقلابونه
مستقيم  سېلاب

که  خدای  کول  قرآن  به  شي  حاکم  په  ټول  جهان  کې
راوړي  به  مدرسې  او حجرې  انقلابونه
عبدالستار پرهاري

چې  پۍ  مخو ځوانانو کړل  لوګي  ورته  ځانونه
بدل  به  په  رڼا شي  تورې  شپې  انقلابونه
صاحب  الدين

جنت  هسې  مفت  نه  دی  ځان  خبر کړه  ای  جانانه
ګالې  به  تکليفونه  شوګېرې  انقلابونه
قهرمان  عمر

جانانه  غم  دې  څومره  په  زړګي  کړم  غم  ځپلی
خوشحاله  چېرته  نه  شو تل  راځې  انقلابونه
ميوند

د سر او مال  نه  تېر دي  دا زلمي  اوروته  دانګي
سپېڅلی  مجاهد به  خود راوړې  انقلابونه
ملا عبدالصمد فراهي

درځار شم  در لوګی  شمه  ملنګ  طالب  جانانه
په  شرنګ  د زولنو چې  راولې  انقلابونه
عارف  خوګياڼی

له  تانه  شم  قربان  زه  مجاهد طالب  جانانه
په  ننګ  به  دې  ليکي  بيا ترانې  انقلابونه
حبيب  الله  سيال

د ټولو مؤمنانو ارمانونه  پوره  کېږي
منزل  به  کړي  وصل  قافلې  انقلابونه
قاري  وقاص


د نن ټکی اسیا موبایل اپلیکیشن دلته کښته کړئ