کور پاڼه / مقـــــالی او تبصرې / د کابل ضعیفه اداره

د کابل ضعیفه اداره

خالد منهاج

د کابل د حکومت ضعف اوج ته رسېدلی دی ، چورلټو دروغو او بې بنسټه افواهاتو ته یې مخه کړې ده ، مرال بایللي عسکر یې هره ورځ سلګونه کسان له ټانګونو او موهماتو سره طالبانو ته تسلیميږي ، د غني او او عبدالله تر منځ د واک اختلافات د پخوا دوه برابره شوي دي ، دوستم هم د عبدالله هغه ادعا چې دوستم زخمي شوی دی بې بنسټه او دروغ ګڼلې وه او سره مځغي په مځغي دي ، عطا محمد نور په عربستان کې د دې پر ځای چې قدر یې وشي د لویې ډلي عربانو او عبدالله په مخکې ښه بې عزته شو.

نو همدا وجه ده چې کله وایې د طالبانو مشر روسيې ته سفر کړی ، کله وايې ۷۰۰۰ دواعش راځي ، کله وايې جګړه پاکستانیان پر مخ وړي.

وروستۍ او خندونکې یې دا وه چې د افغانستان د دې اوږدې پېچلي مسلې د حل تړاو یې تر ګارډين ورځپاڼي پوري ورکړ او اوازه یې خپره کړه چې ګواکې طالب مشرانو د ګوډاګي ستانګزي سره په دوحه کې لیده کاته او د سولې اړوند مذاکرات کړي دي.

په داسې حال کې چې د ګوډاګۍ ادارې ټول چارواکي د غني په ګډون د دې مذاکراتو څخه چوپ او بې خبره دي.

آن تر دې چې هغه د سولې د شوراګانو او کمېسونونو غړي هم حیران دي چې مذاکرات چا او چير ته کړې.

طالبان خو دې مسلې زیات التفات ځکه نه کوي چې د هغوی دریځ په دې برخه کې واضح دی او په څو څو ځله یې داسې بې بنسټه انګازې د دښمن تبليغات ګڼلي.

حقیقت دا دی چې ګوډاګی حکومت په دې وروستیو کې ډېر ضعیفه شوی او د سختي ماتي او رسوایی سره مخ دی ؛ غواړي چې په داسې کړنو سره خپل ضعف او ماته پټه کړي او د افغان ولس پام بلې خواته واړوي.


یادونه: په نن ټکی اسیا کې خپرې شوي لیکنې یوازې د لیکوال خپل نظر څرګندوي، د ادارې توافق ورسره شرط نه دی. که تاسو غواړئ نن ټکي اسیا کې مو لیکنه خپره شي، اړیکه راسره ونیسئ. مننه
د نن ټکی اسیا موبایل اپلیکیشن دلته کښته کړئ