شعـــــرونه

اوه  ويشتمه  آنلاين  في  البديهه  مشاعر

ترتيب:  مستور مجاهد

د تېرې  جمعې  د شپې  آنلاين  في  البديهه  مشاعره  چې  د ښاغلي ( عرفان الله  عرفاني ) صاحب  د فيس  بوک  پر دېوال  تر سره  شوه غور چاڼ يې  په  لاندې  ترتيب  کتلی  شئ!

د معمول  سره  سم  دادی  مشاعره  د ښاغلي ( م  ثاقب ) صاحب  د شعر په  مطلع  پيلوو  خپل  بيتونه  مو په  همدې  قافيه  راپيل  کړئ!

کړه  د عشق  په  طوافو مې  د ژوندون  کعبه  ودانه
چې حرم  کې  يې  څِښتنه  شي  د کِبر ماڼۍ  ورانه
ـــــــــــــــــــــــــــــــــــــــــــــــــــــــــــــــــــــــــ
بيا حالات  پرې  رابدل  شول  بيا ړندې  سترګې  بېنا  دي
بيا يعقوب ، يوسف  پيدا کړ آزاد شوی  له  کنعانه
درد هجر

سمې  غرونه  د وطن  په  تا مين  دي  په  تا وياړي
سپېلنی  شم  ستا له  حُسنه  په  ما ګرانه  طالب  جانه
سجاد جرس

په  اوبو اوبه  مينزمه  په  اوبو مې  ايښی  سر دی
رانه  مه  کوه  پوښتنه  خواته  مه  راځه  جانانه
مسرور درمل

نن  مې  بيا د خيال  حجره  کې  ستا يادونه  مېلمانه  دي
اخ  چې  ته  نه  يې  جانانه  ژړوي  مې  ستا هجرانه
عرفاني

د زړګي  پر دنياګۍ  مې  ستا د عشق  نظام  حاکم  کړه
له  ديدن  چې  محروم  نه  شم  په  محشر  رب المنانه
سيف  الرحمن  عزام

راشه  راشه  زما د زړه  کابل  و تاته  انتظار کړي
ای  اتل  د زمانې  ای  مجاهده  طالب  جانه
مصباح  زړګی طالب

دا لا څومره  لاره  پاتې  په  تڼاکو پښو يون  کړم
نور مو غېږ ته  در نېږدې  کړه  هو غازي  افغانستانه
صميم اسلام پال

ای  عاشقه  چې  د حورو وټولي  ته  کله  راشې
نور خو راشه  شهادته  چې  در ړنګ  شمه  جانانه
تپاند زهاد

له  هر څه  نه  مستغني  يم  مستغني  يم  له  جهانه
هم  دا ته  راباندې  ګران  يې  هم  ستا مينه  قدردانه
کامران  خپلواک

زما د زړه  دنيا ده  ورانه  ستا راتلو په  انتظار يم
تصويرونه  ته  دې  ګورم  وزما بندي  جانانه
حضرت  الله  صديقي

راشه  زړه  مې  نا قرار دی  په  سينه  کې  مې  اوربل  دی
بس  غمونه  دي  ماتم  دی  زړه  مې  تور دی  له  جهانه
حماد افغان

بلبلانو ورته اوښکې  خوشحالۍ  کې  تويولې
چې  را تلل  د ازادۍ  تر ښکلي  ښکلي  ګلستانه
ذاهد هلمندی

د حاجيانو قافلې  بيا د حرم  پر لوري  درومي
نن  په  سرو سترګو ژړېږم  چې  شوم  پاتې  له  کاروانه
عرفاني

پر وطن  مو اسلامي  نظام  نافظ  کړې  پاکه  خدايه
له  اشغال  نه نور خلاص  کړې  دا وطن  افغانستانه
طارق  عمري

د اخلاص  په  سمندر کې  دې  د ژوند بېړۍ  لاهو کړه
هره  ستونزه  به  هواره  هر مشکل  به  وي  اسانه
ابدالي  اشنا

له  دې  ستړې  زندکۍ  نه  رخصت  اخلي  روانېږي
په  سلګو دي  غرېو نيولي  درومي  ډک  زړه  له  ارمانه
ذاهد سهاک

سرښندنو ته  چې  دانګي  دا دمينې  رنځوران  دي
استشهاد ته  چې  ور درومي  دا دواده  هم  درمانه
منبر سنګر

ټول  ياران  مو رانه  لاړل  څوک  ايران  څوک  پاکستان  ته
زه  به  ګرځم  لوګر جان  کې  غم  ځپلی  سرګردانه
نورحمن  رحماني

دا شهيدې  سلګکۍ  بيا د حريت  ناوې  ته  هار دي
تور تمونه به  ختمېږي  راځي  فتحې  له  اسمانه
حمزه  افغان  حسيني

دغه  اوښکه  مې  قاصده  د حرم  تر جانان  يوسه
خيرکه  زه  قيمتي  نه  شوم  خو دا اوښکه  به  شي  ګرانه
حيدري  جان

کله  کله  خو احوال  د مسافرو د زړه  اخله
کبر مه  کړه  چې  باد شاهي  به  دې  شي  درباندې  ورانه
جاويد فدايي

و صال  په  زمزم  ستړی  د کلو تنده  کړه  ماته
همېشه  کوم  سوالونه  پاک  الله  غني  سبحان  ته
مطيع  الله  جواد

د قرآن  په  ننګ  پر هر پرهر سينه  در څخه  غواړم
په  دنيا مې  دغه  يو ارمان  پوره  کړې  لويه  پاک  سبحان
مظهر طالب

همېشه  لاس   په  دعا يو هم  يې  غواړو موږ له  تانه
پاکه  ربه  عفوه  وکړې  و اومت  ته  د جانانه
الفت  جان

ته  مې  ياد يې  او ستا نوم  مې  هم  د زړه  په  تل  کې  اوسي
ما دروغواړه  روضې  ته  ای  محبوبه  د سبحانه
جاويد رشاد

د اذکارو زمزمې  مې  په  پلازمېنه  د زړګي  کې
ځي  نغمې  د الاهو يې  بيا تر عرش  او لامکانه
قيس  خپلواک

د زړګي  حرم  کې  جوړ مې  د جانان  د وصل  ځای  کړ
اوس  همېش  په  شوګېرو يم  چې  واصل  شم  تر جانانه
عنايت  الله  صديقي

چې  يو ځل  مې  په  ژوندون  کې  آزادي  و ګورم  خدايه
بيا مې  جنازه  که  شي  له  دې  فاني  دنيا روانه
مسلم  يار

ای  غازي  د سنګرونو ای  شهيد شهيد جانانه
چې  را ياد شي  کله  کله  اوښکې  ځي  مې  له  چشمانه
احمد جان

چې  دښمن  څنګ  کې  ولاړ يې  خپل  ورور وژنې  بې  غيرته
په  قسم  چې  ستا دې  عقل  ته  حيران  يم  عسکر جانه
حارث  هلمندی

پېښوره  ها پخوا د خوشحالۍ  مزې  دې  نشته
ګرځېدل  چې  ها په  تاکې  عرفاني  او طالب  جانه
مسافر طالب

چې  ناټو مو دړې  وړې  کړه  په  زور د پاک  ايمانه
لار ترې  ورکه  ده  نړۍ  ده  هک  حيرانه
حامد مستشهد

زه  د ناز  په  خوب  ويده  يم  خوب  کې  راشه  اي  دلبره
تلوسه  مې  د ليدو ده  ای  جانانه  په  ما ګرانه
بهار نصرت

شاه زلمي  د امارت  دي  يوځل  بيا په  جوش  راغلي
دوښمان  به  نېست  نابود کړي  له  هلمند تر بدخشانه
حامد متوکل

اخ  د وخت  ظالم  جابره  اخ  ناترسه  حکمرانه
ورنه  خلاص  به  کله  نه  شې  له  څپېره  خړ طالب  جانه
ملا عبدالصمد فراهي

د زړه کرستې  غوڅې  شوي  مازغه  هم  لا ابو شول
د يتيم  نعره  چې  پورته  شوه  له  ځمکې تر اسمانه
مصباح  سجاوندي

د اسلام  په  پاکه  مينه سرو اورونو ته وردانګو
خدايه  ته  مو کړې  سېرابه د خپل  فضل  له  دريانه
زرخان  احمدزی

ستا ديدن  په  طلب  ګرځم  د ټول  کلي  کوڅې  ګورم
ګرانه  ولې  نادرک  يې  ولې  غږ نکړې  جانانه
منصور افغان

چې  د جنګ  ګرم  ميدان  ته  طالبان  زلمي  ور ګډ  شي
نندارې  ته  يې  راکوځېږي  ملائکې  له  اسمانه
تسل  منيب

که  نر توب  او مېړنتوب  کړې  نو ګرېوان  د پردو نيسه
خپل  دې  مړه  کړل  او خپل  وژنې  اشنا دا نه  ده  مېړانه
عبدالمالک  ستانېزی

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x