ستر محدث سفيان ثوري رحمة الله عليه

احمدجنیدمبارز

لنډه پېژندنه : ـ

سفيان ثوري رحمة الله عليه د کوفې ستر محدث ، فقيه ، عالم ، زاهد او له وتلو علمي شخصيتونو شمېرل کيږي .

مورخين يې د نسب لړۍ داسي بیانوي : ـ

سفيان بن سعيد بن مسروق .

کنيه يې ابو عبدالله او ثوري يا کوفي ته يې نسب کيږي .

زوکړه : ـ

سفيان ثوري رحمة الله عليه په اووه نيوي ( ۹۷ ) کي پیدا سوي دي  .

زده کړه : ـ

امام سفيان ثوري رحمة الله عليه د کوفې په څېر د یو داسي ښار اوسېدونکي وو چي هر لور ته د سترو علمي شخصيتونو ډک وو ، ده لومړی دخپلي سیمي له علماوو زده کړه پيل کړې او وروسته يې د علم په زده کړه پسي د اسلامي نړۍ ونورو ښارونو ته هم سفرونه وکړل . حجاز او نوري سيمي يې وليدې  او دهغه ځای پر پوهانو يې خپله ديني او علمي تنده خړوبه کړه .

استادان : ـ

امام سفيان ثوري رحمة الله عليه خپل علمي تحصيلات پر دې پوهانو سرته ورسول :
ابو اسحاق سبیعي ، عبدالملک بن عمير ، عمرو بن مره او نور ….

شاګردان : ـ

امام سفيان ثوري رحمة الله علیه هدف ته تر رسېدلو وروسته د خپلي ديني وظيفې د ادا کولو په موخه دا ستر علماء او شاګردان وروزل چي محمد بن عجلان ، اعمش ، معمر ، اوزاعي ، مالک ، ابن عيينه ، شعبه ، فضيل بن عیاض ، عبدالله بن المبارک ، وکيع،  ابونعیم، یحی بن سعید القطان او نور  ائمه د یادولو وړ دي .

وفات: –

امام سفیان ثوري رحمة الله علیه د یوسل یوشپېته ( ۱۶۱)  هجري پر مهال په بصره کي وفات سو.
روح یې ښاد یاد یې ژوندی