افغانستان

زابل : د عدليې رئيس دځوان مامور څخه د جنسي غوښتني پر سر توقیف شو

نن ټکی اسيا (پنج شنبه، لړم ۶مه، ۱۳۹۵ل):د زابل ولايت د عدليې د رئيس ګلاب محمد خطير د ويډيو نشرېدو وروسته د همدې ولايت چارواکو لومړی د نوموړي دنده وځنډول او وروسته يې د والي په امر توقيف کړ.

د زابل د عدليې رئيس د خپل یوه ځوان مامور څخه د جنسي اړیکو غوښتنه کوله او هغه ځیني ویډیو کوله ، دغه ویډیو وروسته پر فیسبوک خپره شوه او د ګلاب محمد خطیر جنسي غوښتنه ډنډوره شوه.

د زابل والي بسم الله افغانمل د عدليې د رئيس اړوند امنيې قومندانۍ ته امر کړی چې نوموړی دي تر امر ثاني پوري په توقيف کې وساتل شي.

افغانمل د زابل امنيه قومندانۍ ته په لېږل شوي ليک کې زياته کړې چې : د موضوع د سپيناوي په اړه تر څو څارنوالي خپل تحقيقات بشپړوي د عدليې رئيس دي په توقيف کې وي.

د زابل د عدليې رئيس په ویډیو کې ځوان مامور ته وايي چې پنځه سوه کالداري به ورکړي چې د نوموړي په وینا ۳۰۰ افغانی جوړیږي او وعده ورکوي چې د ۵۰۰۰ میاشتني معاش سربېره به کله نا کله ورسره مالي مرسته هم کوي.

په ولسي جرګه کې پر یادي ویډیو او موضوع باندي بحث وشو او د کابل وکیلي شینکۍ کړوخېل وویل چې نوموړی رئیس باید له دندي ګوښه کړل شي او څارنوالۍ ته ور وپيژندل شي.

خطیر ویلي چې د خپل حیثیت د اعادې په خاطر به عدلي او قضايي ارګانونو ته مراجعه وکړي.

باید وویل شي چې د افغانستان په عدلیه او قضايي سیسټم کې رشوت، فساد او جنسي بې لاریتوب تر اندازې زیات دی چې له امله یې ولسي وګړي محکمو ته د تللو پر ځای خپلي ستونزي په خپله هواروي او یا د طالبانو محکمو ته رجوع کوي

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x