افغانستان

سیګار: د افغانستان سړکونه به تر ډېره روغ پاتي نه شي

نن ټکی اسیا (یکشنبه، لړم ۹مه، ۱۳۹۵ل): په افغانستان کې د امریکايي مرستو او مصارفو د څار اداره «سیګار» وايي چې د افغانستان د سړکونو اوسنی سیسټم بقا نه لري او ډېر ژر به له منځه ولاړ شي.

دغه ادارې ویلي چې د امکاناتو کمښت، اداري فساد، لږ بودیجه او امنیتي ستونزي د فواید عامې وزارت ته اجازه نه ورکوي چې د هیواد په سرتاسري کې د سړکونو جوړښت پر اوسني حالت وساتي.

په راپور کې راغلي چې د افغانستان حکومت باید ژر تر ژره د سړکونو بد حالت ته توجه زیاته کړي کنه ددې سړکونو رغول به بیا ډیر ستونزمن وي.

د سیګار په وینا د کال ۲۰۰۲ څخه د امریکا کومکي ادارې (یو ایس ایډ) او دفاع وزارت شاوخوا ۲.۸ ملیارده ډالر د سړکونو پرجوړولو او رغولو مصرف کړي دي.

سیګار وايي چې افغاني چارواکو ورته ویلي چې د هیواد په سرتاسري کې د سړکونو د بیا رغوني لپاره هر کال ۱۰۰ ملیونه ډالرو ته اړتیا لري، خو د فواید عامې وزارت د کال ۲۰۱۱ څخه بیا تر ۲۰۱۶ پوري یوازي ۲۱.۳ ملیونه ډالر تر لاسه کړي دي.

باید وویل شي چې په افغانستان کې تر امنیتي پيښو وروسته خراب سړکونه د مرګ ژوبله دویم ستر لامل بلل کیږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x