ادبي لیکني

د کندوز پيښې د يو تنکي شهيد غږ !!!

اسدالله غيرت / پکتيا

ته اې زما د هيواد ولسمشره !  راشه وګوره , زه ستا تر حاکميت لاندې سيمه کندوز کې د خپلې کورنۍ له نورو غړو سره ټوټې ټوټې پروت يم . زما په وينو لړلي تنکي مخ او زرې زرې اندامونو ځمکه او عرش ولړزول .
ته اې زما د هيواد ولسمشره !  ته خو يو وار راشه کنه !  خير دی , پر خاورو زما د وجود شيندلو ټوټو ته د خپلې بې وسۍ کيسه بيان کړه .

تاسو اې د بشر ټيکدارانو ! راشئ هله , زما له غوڅو اندامونو سره سلفيانې واخلئ , هله راشئ ,له بشريت سره د مينې شعار مو په عمل کې ثابت کړی .

تاسو اې د اسلامي نړۍ مسلمانانو ! راشئ , په خپل شتون کې د يوې مسلمانې کورنۍ د ټوټې ټوټې اندامونو , د کور د پريوتو ديوالونو او د لسګونو جنازو نندارې ته راشئ , هله نو , خپله مسلماني ښکاره کړی .

ته اې زما خدايه ! دا نړۍ ونړوه , ددې نړۍ تش په نوم مسلمانان ذليله او شرمنده کړه .

ته اې زما خدايه ! زه ددې نړۍ د مسلمانانو په غيږ کې د کفري يرغلګرو په لاس د خپلې کورنۍ سره يو ځای په شهادت ورسيدم , خدايه زما او زما د کورنۍ شهادت قبول کړه او د اسلامي نړۍ کفرپلوه حاکمان د قارون , ابرهه او فرغون په څير په سزا ورسوه .

زما خدايه ! ته زما او زما د کورنۍ ټوټې ټوټې وجودونه وينې  , زه د نور څه ويلو توان نلرم , نور ډير څه به له نيږدې درته ووايم .
پای
1395/8/13

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x