شعـــــرونه

غزل/ نظام کندهاری

نظام کندهاری

چي د نصرت له ورېځو و اُوري باران د فتحو
د هيلو دښتو کې را وټوکي ګلان د فتحو

د قربانيو په کتاب کې پيلوو هغه باب
چي په زرين خط يې ليکلی دی عنوان د فتحو

د انتظار قفس مو مات کړ په مِنقار د صبر
د خپلواکۍ په بڼ کې بيا کوو طيران د فتحو

د آزادۍ يوسف راباسي د يرغل له کوهي
نن يې و مرستې ته راغلی دی کاروان د فتحو

لاړه د ظلم توره شپه راغلی سحر د عدل
د اميدونو لمر راوخوت پر آسمان د فتحو

چي تيږې شا ته پټ ملحد نه مو خبر كړي تيږه
که خدای کول را نژدې شوی دی دوران د فتحو

نظامه کړل دي آوازونه د ‘‍’ متٰی نصرالله ‘‍’
دادی قاصد نوی راوړی دی فرمان د فتحو

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x