شعـــــرونه

د وينو شفق

نظام کندهاری

که د ژوند جرم مې کړی يقين نه وای

نن به پروت په خپلو وينو رنګين نه وای

ملامت يم چې د ژوند بازار ته راغلم

کاشکې هيڅ خبر په تور او په سپين نه وای

نه تر غوږ به مي آواز وای د بمونو

خاورو لاندې به مي تن نازنين نه وای

بشردوست به مي د وينو تږَی نه وای

له غصې به راته تل سور او شين نه وای

د عدم په خواږه خوب وېده خوشحال وم

د وجود کور کې مېلمه د ناورين نه وای

څه خبر وم چې د ژوند بڼ کې اور بل دی

ګل بشر به مې په سره اور کې خوړين نه وای

زما له وينو به شفق نه وای پر ځمکه

د نظام زړه به له درده حزين نه وای

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x