شعـــــرونه

غزل/ عاکف مهاجر

عاکف مهاجر

د کیږدۍ ډیوه ده مړه شپونکی شهید دی
ها د دنګې پیغلې ګل لالی شهید دی

د ظالم خزان سیلیو ګلاب وړی
د دې کلي خوږ مازدیګری شهید دی

اخ!زما د زړه په بن خزان راغلی
اخ!زما د زړه د بڼ سپرلی شهید دی

بر ګودر نه په اوبو کې وینې راغلې
په ګودر منګی او هم بنګړی شهید دی

مناره یې ړنګه او اذان یې ورک دی
سپاره په لاس پکې کمکی شهید دی

خړ لوګي له مدرسې نه پورته کیږي
هم کتاب او هم طالب زلمی شهید دی

دې وطن کې دخوښۍ خبر لا نشته
ای عاکفه زما طالب زړګی شهید دی

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x