شعـــــرونه

غزل/ شرافت وياړ

شرافت ویاړ

په ژوند مې کړې نصیب الهي جام د شهادت
انعام غواړمه زه له تا انعام د شهادت

ویل یې د وختو تنده به ماته په کوثر کړم
زخمي طالب ته شوی و الهام د شهادت

دا څوک دی چې پر ټنډه ېې د وینو څاڅکي ښکاري
پر شونډو یې مسکا کوي اتمام د شهادت

په خوا کې یې څوک نه ښکاري خواله ورسره څوک کړي
راوړی ورته حورو دی پیغام د شهادت

خندا کې یې په ډاګه ویل پوهېږئ دا د چا دی
کټ اېښی یې خپل څنګ ته وو په بام د شهادت

دیدار د خدای،جنت،پکې د سپینو حورو غېږه
هم دا دی شرافت ویاړه ! انجام د شهادت

نېټه / ۱۳ / ۳ / ۱۴۳۸ هـــق دهجرت دیار

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x