شعـــــرونه

د مړ وجدان چيغه نو کله تر حلبه رسي!؟

تهذيب

د مسلمان ضمير مړ سوی جنازه ئې تر لحده رسي
د مړ وجدان چيغه نو کله تر حلبه رسي

حلبه! نن چي ستا تر زړه د وحشت تېغ ختلی
د عيسايي، يهود، شعيه له خولې څه اور و تلی

ماشوم دي ژاړي، او مورکۍ په خپلو اوښکو اوبه
شهۍ دي شال د غم پر سر کړ، ځوان په وينو اوبه

بوډا دي لوېږي پر خوله، ځان د خدای تر کور رسوي
نن مسلمان خپله جذبه په څو پيسو خرڅوي

د وخت قارون، نمرود، فرعون لاس يو کړی سره
د يهودي شعيه او روس په نوم ټول سوی سره

يو دي وجود خرڅوي، ځان ته شتمني ډېروي
بل د ازر په تېشه ستا له جسمه بت جوړوي

درېيم لګيا دئ، ماشومان دي له دې بېري وژني
چيرته پيدا نه سي موسی، د حق سرتېري وژني

حلبه! نن که ستا تر زړه د وحشت تېغ ختلی
له مړ وجود څه دي د آه کولو سېک ختلی

زما پر زړه باندي هم ښخي د لېوه منګولي
زما له وجود څخه هم ويني دي وينه زبېښلي

زما وجود ته ئې هم اور دئ نمرودي بل کړی
دلته هم ورور د ابوجهل کُشت او خون جوړ کړی

زما د وجود و نړېدو تې ابرهه لېږلی
ماتې آیساف بل ئې ناټو، تاتې شعيه لېږلی

زما د مورکۍ ګوله هم نن ده په سرو اوښکو لنده
د وخت فرعون د ماشوم خوله کړه په زهرو ترخه

دلته شهيد سو معتصيم، ځای ئې يو پاپ نيولی
نسته حجاج، ځای ئې د هند مودي راجا نيولی

د محمد بن قاسم ځای نن سلمان نيولی
د موسی بن نصير ځای بېغيرته شاهنشاه نيولی

د مسلمان ضمير مړ سوی جنازه ئې تر لحده رسي
د مړ وجدان چيغه نو کله تر حلبه رسي

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x