دیني، سیرت او تاریخ

رسول الله صلی الله علیه وسلم د غیر مسلمانانو په آند (۳۸برخه)

لیکنه او څېړنه: عبدالغفار جُبیر

فرانسوی فيلسوف فرانسوا ماري آرويه ولتر (۱۶۹۴-۱۷۷۸م.) دنبي کريم صلی الله علیه وسلم په هکله وايي:

محمد صلی الله علیه وسلم ډېر ستر انسان ؤ او عظيم شخصيتونه يې وروزل. هغه عاقل قانون جوړونكى، عادل رهبر، پياوړى امپراطور او پرهيزګاره پېغمبر ؤ.

فرانسوى ليكوال داكتر گوستاولوبون (۱۸۴۱-۱۹۳۱م) د نبي کريم صلی الله علیه وسلم په هکله وايي:
“كه د سترو شخصيتونو لويوالى او ارزښت د دوى د كړنو له مخې وارزوو، نو محمد صلي الله عليه وسلم به د نومياليو تر منځ ستر نوميالى ومنو.”

انګليسي ليكوال جنرال سرپرسي سايكس (۱۸۶۷-۱۹۴۹م) د نبي کريم صلی الله علیه وسلم په هکله وايي:

” محمد صلی الله علیه وسلم هغه ستر انسان دى چې ټول توان يې دشرك او بت پالنې په له منځه وړلو كې په كار واچاوه او پر ځاى يې د اسلام سوچه افكار وكرل. زه د بشريت د خلاصون په لاره كې د هغه دا ستر او بې بېلګې خدمت ستايم”

برېتانوى اسلام پيژندونكى جان ديون پورت (۱۷۸۹-۱۸۷۷م.) دنبي کريم صلی الله علیه وسلم په هکله وايي:

“هغو ليكونكو چې د تعصب له مخې يې د توحيد د راژوندي كوونكي سپكاوى وكړ، جوته كړه، چې نه يوازې د عيسی د خير غوښتنې روحيې پرې اغيز نه دی كړی، بلكې په قضاوت كې هم په غلطه تللي. كه موږ محمد صلي الله عليه وسلم د نړۍ د نوابغو په سر كې رانه ولو؛ نو بې انصافي به مو كړې وي. آسيا باید د داسې بچې په درلودلو سره ووياړي.

روسي ليكوال ليون تولستوى (۱۸۲۸-۱۹۱۰م.) دنبي کريم صلی الله علیه وسلم په هکله وايي:

“حضرت محمد صلی الله علیه وسلم د نړۍ له سترو مصلحانو څخه دى. هغه ته همدا وياړ بس دى چې وينې تويونكى وحشي قوم يې د ناوړه دودونو له منګولو خلاص کړ او د پرمختګ پر لاره يې ودراوه. له عقل او حكمت سره د همغږۍ له امله به اسلام په راتلونكې كې د نړۍ واكمن نظام وي. “

مېرمن بواني دنبي کريم صلی الله علیه وسلم په هکله وايي:

اسلام د ټولو پېغمبرانو دین دی، دا چې زه مسلمانه، نه یم، زه په دې عقیده او باور لرم چې هغه څه چې په قرآن کریم شته؛ هغه ټول الهي دي، دا چې زه خدای منم؛ نو ځکه ویلای شم چې زه مسلمانه یم.
نور بیا…

لمنلیک: ISLAM – THE RELIGION OF ALL PROPHETS, Begum Bawani Waqf, Karachi, Pakistan, p. 56.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x