نړۍ

کوټه کې د شعیه زیارت کوونکو پر بس د چاودنې له امله ۲ مړه او ۳۱ ټپيان شول

نن ټکی اسیا: د کوټې په قمبراني روډ اختراباد سیمه کې د شعیه زیارت کوونکو پر بس چاودنه شوې چې له امله يې دوه تنه مړه او ۳۱ نور ټپيان دي. د پاکستاني رسنیو له قوله بس له ایرانه بیرته پاکستان ته را روان و، چې اختر اباد نومې سیمه کې د چاودنې ښکار شو. د عینې شاهدانو له قوله چاودنه دومره قوي وه چې غږ يې تر لرې واوریدل شول. له چاودنې وروسته د ډزو اوازونه هم اوریدل شوي دي. ويل کيږي چې امنيتي ځواکونه دپيښې ځای ته رارسیدلي او سیمه يې کلابنده کړې ده. د پولیسو په وينا په بس کې ۴۰ تر ۴۵ کسان ناست وو او حکومت يې پوره امنيت هم نیولی و. د بلوچستان د اطلاعاتو وزیر عبدالرحیم وايي چې چاودیدونکي توکي د سرک پر غاړه ولاړ موټر کې ځای پر ځای شوي وو. پاکستاني چارواکو دا چاودنه غندلې او په کوټه کې شعیه ګانو درې ورځنی ماتم اعلان کړی دی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x