افغانستان

کاناډا: له افغانستانه ورګرځېدلي عسکر ټوله کورنۍ او ځان وواژه

نن ټکی اسیا (پنجشنبه، مرغومې ۱۶، ۱۳۹۵ل): له افغانستانه ورګرځېدلي په عصبي ناروغۍ اخته یوه کاناډائي عسکر خپله مور، ښځه او لور تر وژلو وروسته ځان هم وژلی دی.

د کاناډايي ورځپاڼو د خبر سره سم د «نووا سکوټیا» په ایالت کې پولیسو خبر تر لاسه کړ چې په یوه کور کې څلور جسدونه موندل شوي چې ټوله په مرمیو وژل شوي دي.

سیمي ته د پولیسو د ورتګ وروسته جوته شوه چې په وژل شویو کسانو کې یو هم د کاناډايي ځواکونو عسکر دی چې له افغانستان څخه هیواد ته تر ګرځېدو وروسته په عصبي ناروغی اخته شوی وو.

د کاناډایی تلویزون «سي ټي وي نیوز» د خبر سره سم په وژل شویو کسانو کې د ۳۳ کلن کاناډايي عسکر «لیونیل ډیسمونډ» تر څنګ، د هغه ۵۲ کلنه مور، ۳۱ کلنه مېرمن او ۱۰ کلنه لور وه.

د عسکر مېرمن او لور

د پولیسو د تحقیقاتو سره سم ناروغه عسکر لومړی خپل د کورنۍ غړي په ډزو وژلي او بیا یې وروسته خپل ځان باندي ډزي کړي دي.

د نوموړي ګاونډیانو ویلي چې هغه د کال لومړی ورځ ښه په خوشحالی ولمانځله، د کورنۍ سره یې ډېر ښه چلند کوی او هیڅ داسي نښې نه لیدل کېدلې چې هغه دي په داسي یو اقدام لاس پوري کړي.

د کاناډائي رسنیو د خبر سره سم تر اوسه ۷۲ عسکرو هیواد ته تر ګرځېدو وروسته ځانونه وژلي دي او زیات شمېر یې نور اوس هم تر تداوي لاندي دي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
محمد عبداللہ

دادمظلومانو دآزاردنیاوی سزا دہ اخروی دائمی سزا ورتہ ھم شروع شوہ،اللھم خذکلھم اخذ عزیزمقتدر

Back to top button
1
0
Would love your thoughts, please comment.x
()
x