دیني، سیرت او تاریخ

رسول الله صلی الله علیه وسلم د غیر مسلمانانو په آند (۴۰برخه)

لیکنه او څېړنه: عبدالغفار جُبیر

ښاغلی ډاکتر ګسټاو ول دنبي کريم 
صلی الله علیه وسلم په هکله وايي:

حضرت محمد صلی الله علیه وسلم خپلو پلویانو ته یوه روښانه بېلګه وه، د ده کړه وړه او اخلاق صفا او بې داغه وو، دده خوراک او ورځنی ژوند ډېر ساده ؤ، دا چې دده تواضع ډېره وه؛ نو له خپلو پلویانو څخه یې نه غوښتل چې ده ته تشریفات ولري، ده خپل غلام ته هم د کار کولو نه ویل، ده تل په ډېره خواخوږۍ سره د ناروغانو پوښتنه کوله، دده ټول کړه وړه د هرې ټولنې لپاره د پرمختګ سبب وګرځېدل.

که زه دا پوښتنه وکړم: (چې آیا د محمد صلی الله علیه وسلم په شان به بل څوک پیدا شي؟ نه هیڅ کله نه.)

پروفيسر ايډمنډبرک د نبي کريم صلی الله علیه وسلم په هکله وايي:

د حضرت محمد صلی الله علیه وسلم ښکلی قانون د ټول انسانیت لپاره د ویاړ تاج دی، دا قانون د عقل په دایره کې دی، دا قانون د بشریت په ټول تاریخ کې نشته، د ده په شان تشریعي فلسفه په یوه قانون کې هم شتون نه لري.

پروفیسر اي مارشال جانسن د اسلام په هکله وايي

پروفیسر مارشال له قرآن او ساینس سره لېوالتیا درلوده، په ۱۹۸۲ میلادي کال کې په سعودي میډیکل کانفرنس (Saudi Medical Conference) کې چې کله د کانفرنس غړو ده ته وویل چې تاسې په قرآن کریم او احادیثو کې ساینسي حقایق رابرسیره کړئ، دی حیران شو او دا یې رد کړه چې په قرآن او احادیثو کې ساینس شته، خو کله چې آیاتونه او احادیث ورته وښودل شول؛ نو حیران شو او هرڅه یې ومنل، له شیخ زنداني سره تربحث وروسته یې وویل:

قرآن کریم نه یواځې د انسان د ظاهري جوړښت تشریح کړیده؛ بلکې پر داخلي مرحلو یې هم پوره رڼا اچولې ده، چې دا حقیقت دی او دا هغه څه دي چې اوس ساینس ورباندې پوه شو، حضرت محمدصلی الله علیه وسلم ضرور دا معلومات له یو ځایه را اخیستي دي، زه دیوه ساینس پوه په توګه درته ویلای شم چې داسې معلومات بې له الهي سرچېنې ناشوني دي.

پروفيسر جيرالډ سي جيوئرنګر داسلام په هکله وايي:

شیخ عبدالمجید زنداني له پروفیسر جیر الډسي جوئرنګر څخه وپوښتل چې د جنین پوهنې په تاریخ کې تاسې د جنین پوهنې مرحلې راوښایاست؟ او یا هغه عبارت راته ښکاره کړئ چې له قرآني ایاتونو او احادیثو سره یې مقایسه کړو، کله چې زنداني له ده سره اوږد بحث وکړ، نو ده وویل:

په قرآن کریم کې چې کومه تشریح د جنین پوهنې په هکله شوې ده؛ په هغه کې د نسجونو، حجرو، اسکلیټ، هډوکو او نورو څخه نېولې بیا تر هر څه پوری… داهغه حقیقت دی چې تر ډېره وخته پورې موږ نه وو پرې خبر، د انسان د پوره جوړښت او د تکامل مرحله هر څه پکې دي، چې داسې معلومات په انساني تاریخ کې بې بېلګې دی.

هغه دسعودي په اتم طبي کانفرنس کې داسی وویل:

په قرآنکریم کې چې کومه تشریح د نر او ښځې د جوړه کېدو څخه وروسته د جنین پیدایښت دی او د هغه ټولې دورې او مرحلې په پوره تفصیل سره بیان شویدی، له دې څخه اضافه تشریح ناشونې ده او د قرآنکریم ټول اصطلاحات داسې په تفصیل سره دي چې څه موده مخکې هیڅوک ورباندې نه پوهیدل۔ په قرآنکریم چې څومره تفصیل شوی دی، ددې تفصیل پوره معلومات به په راتلونکو څو پېړیو کې وشي، دا ساینس پوهان لا هم د قرآنکریم په ډېرو پټو رازونونه پوهېږي۔

نور بیا…

مأخذونه: Professor and Chairman of the Department of Anatomy and Developmental Biology, and Director of the Daniel Baugh Institute, Thomas Jefferson University, Philadelphia, Pennsylvania, USA.
Author of over 200 publications. Former President of the Teratology Society among other
accomplishments
Professor and Co-ordinator of Medical Embryology in the Department of Cell Biology, School of Medicine, Georgetown University, Washington DC, USA.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x