افغانستان

ډاکټر عبدالله اوقافو ریاست ته د یوه کوډګر سپارښتنه کړی

نن ټکی اسیا (پنجشنبه، مرغومې ۲۳، ۱۳۹۵ل): اجرائیه رئیس ډاکټر عبدالله د بلخ حج او اوقافو ریاست ته یو مکتوب لیکلی، تر څو په دغه ولایت کې یوه تعویذګر ته اجازه ورکړې چې خپل کار وکړي.

تېره ورځ د بلخ ولایت د حج او اوقافو ریاست د کوډو د مخنیوی کمیسون خپل درې میاشتنی راپور په یوه خبري غونډه کې له رسنیو سره شریک کړ.

ددغه کمیسون مشر مولوي سید عارف وزین وویل چې د اسلام له مخې کوډي کول جواز نه لري، ځکه یې په بلخ ولایت کې په تېرو درو میاشتو کې د ۳۰ کوډګرو د چارو مخنیوی کړی.

نوموړي وویل چې د چارواکو له لوري د کمیسون په چارو کې لاسوهنه د اندېښني وړ ده.

هغه د مثال په توګه د اجرائیه رئیس د یوه مکتوب یادونه وکړه چې د دوی په نامه یې لیکلی او غوښتنه یې کړې چې یوه پيژندل شوي کوډګر ته اجازه ورکړو چې خپل کار ته ادامه ورکړي.

نوموړي وویل چې دا ډېره د تاسف خبره ده چې په هیواد کې څه حالات دي او اجرائیه رئیس د یوه کوډګر لپاره مکتوب لیکي او مونږ ته امر کوي چې د هغه ناجایز او غیر شرعي کار ته اجازه ورکړو.

وزین وویل چې بیا هم مونږ هیڅ چاته په خپل کار کې د مداخلې حق نه ورکوو، تر هغو چې په بلخ کې مو ددغه ناروا کار مخنیوی نه وي کړی.

بلخوا د اجرائیه ریاست ویاند دداسي یو مکتوب په اړه ناخبري ښودلې او ویلي چې دوی به یې تعقیب کړي که داسي یو کار شوی هم وی، بیرته به یې را وګرځوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x