شعـــــرونه

سپـينـې واورې/ رضوان الله فيضاني

رضوان الله فيضاني

د وطن پر غرو ورېږي سپينې واورې
څه ښايسته ښکلې ښکارېږي سپينې واورې

روح بښونکې زېبايي ده پکې نغښتې
د زړه مينه پرې ماتېږي سپينې واورې

ګران هېواد مو دې په واورو تل رنګين وي
خدايګو ډېرې مې خوښېږي سپينې واورې

چې د لمر وړانګې راپورته شي پرې کله
عجيبه غوندې ځلېږي سپينې واورې

خدايه ګل وطن مو ګل لره په ګلو
ستا رحمت پرې راورېږي سپينې واورې

د الله د دين عسکر چې پکې درومي
خود به ډېرې خوشحالېږي سپينې واورې

د زخمي وطن زخمونه پرې ټکور شي
چې پر تن يې وغوړېږي سپينې واورې

( فيضاني ) د رحمتونو لوی څادر دی
د رب لوی فضل يادېږي سپينې واورې

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x