افغانستان

تازه خبره:په میدان وردګو کې د ګډو ځواکونو له لورې قرآنکریم او مسجد ته د سپکاوي په خلاف لاریون روان دی

نن ټکی آسیا: له میدان وردګو ولایت څخه تر لاسه شوی خبر وايي چې وړمه ورځ بهرنیو او کورنیو ځواکونو د سید اباد ولسوالۍ په عملیاتو کې یو مسجد شهید کړی او د قرآنکریم ګڼ شمېر مصحفونو ته یې سپکاوی کړی دی.
د سیمه یېزو خلکو په وینا، چې وړمه شپه ګډو ځواکونو د سید اباد ولسوالۍ د شینزدرې سیرک پر کلي عملیات کړي او د کورونو پر تلاشۍ سربېره یې د حاجي هزارګل په نوم مسجد هم تخریب کړی او پکې پراته قرآن کریمونو ته یې اهانت کړی دی.

ویل کېږي، چې ګډو عسکرو د قرآنکریم ، یاسین شریف یو شمېر نسخې پاڼې- پاڼې کړي او ایسته دورې یې غورځولي دي. مسجد یې هم ډېر وران کړی.
په سېمه کې زموږ همکار وايي، چې اوس ګڼ شمېر خلک د کابل – کندهار عمومي سړک ته په لاریون را وتلي او دا لویه لاره یې د اوس مهال لپاره د ترافیکو پر مخ تړلې ده.
طالبانو هم پر دې پېښي خپله ژوره خواشیني څرګنده کړې او د دوی په وینا د کفارو او د هغوی د ګوډاګیانو دا ډول اعمال په سختو ټکو غندي او په دې سره به ډېر ژر ولس د دوی پر ضد پیل کړی پاڅون لا ګړندی کاندي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x