ټولنیزه برخه

نیم عقل!

اسدالله ایمان

عقل د انسان لپاره په ټولو جواهراتو کې تر ټولو ستر جوهر دی ځکه ناپوهي د ضمیر مړینه ده.

ددې لپاره چې ، نوموړی جوهر زیادت پيداکړي، نو لازمه ده چې ، هغه عوامل ولټول شي چې ، د دغه ارزښتمن جوهر په زیاتوالي کې اهمه ونډه ولري.

یو له دغو عواملو څخه هم د ښو خلکو سره ناسته او ولاړه ده.
《 …والتودد الی الناس نصف العقل…》

مشکوة جلد ۲ صفحه ۴۲۰

ترجمه: د ښو خلکو سره شناخت کول نیم عقل دی.

تشریح: د ښو او غوره اخلاق لرونکو خلکو سره ناسته او ولاړه کول، نیم عقل دی.

ځکه دا رنګه خلک ددین او دونیا متعلق ښې مشورې درکولی شي.

او تل ګټور تمامیږي. خو برعکس د بدو خلکو سره شناخت کول، د زهرجن مار څخه هم بدتر وي، ځکه چې روح او بدن دواړو ته زیان اړوي.

امام غزالي رحمة الله علیه فرمایي چې:

کله چې له چا سره شناخته کوئ ، نو  پنځو خبرو ته ښه پام کوئ.

۱ عقلمند به وي، ځکه د بې عقلۍ اثر يې پر ملګري هم غورځيږي.

۲ د ښو اخلاقو خاوند به وي.

۳ فاسق به نوي.

۴ بدعتي به نوي.

۵ محب ددونیا به نوي.

حضرت امام فخرالدین رازي رح فرمایي چې: هر مجلس تاثیر لري.

د اته قسمه خلکو سره ناسته اته شیان پيداکوي:

۱ د اغنیاوو سره ناسته حب ددونیا پیداکوي. البته د هغو اغنیاوو سره چې ، ددونیا محبت لري.ځکه حب ددونیا د هرې خطا
سبب دی او په انسان کې ناشکري پیداکوي.

۲ د فقراوو سره ناسته په انسان کې شکر پیداکوي.

۳ د سلطان سره ناسته سختي د زړه، تکبر او محبت د منصب پیداکوي.

۴ د ښځو سره بې اندازې ناسته جهل او شهوت پرستي پیداکوي.

۵ د ماشومانو سره بې اندازې ناسته مسخرې او بې صبري پیداکوي.

۶ د فاسقینو سره ناسته پر ګناهونو کولو دلاوري پيداکوي.

۷ د علاماوو سره ناسته شوق پر طاعت پیداکوي.

۸ پر علم باندې د عمل کوونکو عالمانو سره ناسته، د علم د زیاتوالي سبب کیږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x