لمبل(غسل) لومړۍ برخه

احمد الله عاطفي
لمبل(غسل) اصطلاحي معنی ئې دادی چې بدن په اوبو  لوند کړی شي، یعنې په بدن اوبه تیرې کړی شي.
دفقه په اصطلاح دشریعت په رڼا کې دپاکوالي تر لاسه کولوپه موخه په پاکو اوبو دځانګړي نیت او ترتیب سره دټول بدن وینځلو ته غسل وائي.
دغسل فرضونه
دحنفي فقي په بنأ غسل دري فرضونه لرې .
اول: دخولي وینځل(مضمضه)، په داسي توګه چې دخولې جوف ټولو برخوته اوبه ورسیږي یعنې غړ غړه تر سره شي.

دویم: دپوزي وینځل، دپوزي سوړي کي تر هغه ځایه اوبه کش کړئ چې دتریخ والي اثر معلوم شي ځکه استنشاق ویل

شوی او استنشاق دپوزي بره کلک هډوکې ته وائې.

دریم : یوځل دټول بدن وینځل په داسې توګه چې دیوه ویښته ځای هم وچ پاتې نشي.
په هر عمل کې نیت شرط دی،په ځانګړې توګه عبادي اعمالو کې، غسل هم عبادت دی او نیت ئې شرط.
هر عبادي عمل  دالله سبحانهُ وتعالی دحکم مطابق او دحضرت رسول اکرم (صلی الله علیه وسلم) دمبارکو ارشاداتو په رڼاکې عملي او دښودل شوي عملي طریقې سره سم باید تر سره شي.

فرضي غسل ضروري احکام

الف – دبدن ټول ظاهري برخو ته اُوبه رسول فرض دی.

ب – دغوږونوکاسه او تر کومه چې ورباندې دظاهر اطلاق کیږې وینځل ئې لازمي دی.
ت – دنامه غوټۍ هغه برخوته هم اُوبه رسول لازمي دي چې پټ وي.

ث – که کوم ځای مو له وينځلو هير شوی وي، چې په یاد مو شوکولای شئ دغسل پای کې وي وینځئ.
ج – که ساعت ،کوته نکتۍ، پیزوان، والۍ او… مواغوستي وي؟ تنګ او داوبو دداخلیدومجرا ئې بنده کړې وي؟ وې باسئ .

که ارت او دخوزیدو جوګه وي لاندې باندې ئې کړئ تر څو اوبه پوستکې ته ورسیږي.
ح –  دنوکانو لاندي خلاصي برخي ته اوبه رسول لازمي دي او هم دنوکانو هغه رنک چې عایق داوبو وي باید پاک کړی شي.

خ –  پرته له عذره ، روغ غاښونو ته چې هر ډول پوښ وي باید لرې شي.
د – د وریځو،بریتانو او یا په بدن کې بل ځای ګڼ ویښته وي ،وینځل او بیخوته ئې اوبه رسول لازمي دي.

ذ – نارینه دتوجه سره دتناسلي الت سر(دختنې برخه) چې دپوستکي لاندې وي ووینځئ،په دې شرط چې پوستکی نښتی نه وي او په اړولو کې تکلیف نه وي.

ر – دغوږ والۍ یا پیزوان سوړي چې خلاص وي وینځل ئې ضروري دي، کومې سوړې سره نښتي وي دهغو په مینځ کې دستنې یا لرګې ننویستل ضروري نه دي.
نور بیا …