نړۍ

کشمېر: ۱۰ هندي عسکر تر واورو لاندي شوي دي

نن ټکی اسیا (پنجشنبه، سلواغه ۷، ۱۳۹۵ل): د هند تر ولکې لاندي کشمېر کې د واورو ښوویدو له امله لس تنه هندي عسکر مړه شوي دي او یو شمېر اوس هم لادرکه دي.

د هندي پوځ چارواکو رسنیو ته نن ورځ وویل چې ددغه هیواد اوه تنه پوځي افسران هغه وخت تر واوري لاندي شوه کله چې د ګزمې پر مهال له یوې پوستې څخه بلي تر پر لاره وه.

او زیاته کړې چې په یوه بله پېښه کې د غره واوري پر یوه پوسته ور وښویېدلې چې له امله یې هلته هم ۳ تنه عسکر مړه او یو شمېر نور وژغورل شول.

د پوځ ویاند راجیش کالیا ویلي چې اوس هم د نورو ورکو شویو عسکرو د موندلو او ژغورني لپاره هڅې روانې دي.

باید وویل شي چې په کشمير کې هر کاله د ژمي په موسم کې د زیاتو واورو اوریدو او د غرونو څخه د واورو د ښویېدو له امله د هندوستان او پاکستان عسکر وژل کیږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x