شعـــــرونه

د حریت ترانې/ نعيم افغانزوی

نعيم افغانزوی

لـه شپـېلۍ تـل را غــږوه د حــریـت تـرانې
شپـونـکیـه مـه یې سپـمـوه د حـریـت تـرانې

د شـپېلۍ سـاز د آزادۍ نـغـمـو تـه وهڅـوه
سـاز غـږوه سـاز کې راوړه د حـریـت تـرانې

کـړه برابر د آزادۍ په تـرز کې سُر او تال دې
لـه خپـل ســرګمـه خـوروه د حـریـت تـرانې

واړه سازونه کړه ځانګړې خپلواکۍ ته زموږه
پـه خـواږه سُـر کـړه زمـزمـه د حـریت ترانې

پـه تـرنـم کې د پـرهـر پـټۍ مـرهـم غـږوه
درست مظلـومیت ته ډالۍ کـړه د حریت ترانې

پـه نـفـرتـونـو کې فـضـا د محبت خـوره کړه
نـن پـه قــربـت کې ووایـه د حـریـت تـرانې

کړه یې تسـل د حـریت تږو ته ساز د شپېلۍ
پـه تــږو زړونــو اوروه د حــریـت تـــرانې

په خپـل قـلـم د حریت معشـوقه ښه وستایه
زار افـغـانـزویـه تـل لیـکه د حـریـت تـرانې

محمد نعیم افغانزوی

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x