شعـــــرونه

د مشكو د كاروان كوڅه

رضوان الله ( فيضاني )

اى نسيمه د جانان كوڅې ته ورشه
د خوږمنو زړو درمان كوڅې ته ورشه

ډېر په مينه په احتياط اخله ګامونه
د احمد نبي u سلطان كوڅې ته ورشه

زما د مينې سلامونه ورته وايه
د نيازبين او قدردان كوڅې ته ورشه

چې سپوږمۍ ستوري او لمر ترېنه شرمېږي
د حسين شاهِ خوبان كوڅې ته ورشه

ټول جهان چې ترې رنګين او معطر دى
ها د مشكو د كاروان كوڅې ته ورشه

هر يو كاڼى يې ياقوت او زمرد دى
د لا لونو او مرجان كوڅې ته ورشه

پر شينكۍ روضه يې وشينده په مينه
سره او سپين زېړي ګلان كوڅې ته ورشه

ترېنه ګرد د ( فيضاني ) سترګو ته راوړه
چې رانجه يې كړي د ګران كوڅې ته ورشه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x