غزل/ عبدالباقي مهاجر

عبدالباقي مهاجر
ستړی ولس ستړي سلګۍ دی څنګه هیرې کړلې
دا پاکې وینې قربانۍ دې څنګه هیرې کړلې

د ټرمپ غلام شوې غلامي دې د الله پریښوده
احمقه تللې ککرۍ دې څنګه هیرې کړلې

زخـمي هـیـواد درتــه ښه طمعه د آتل لـرلـه
بـوتله سرې سترګې مور کۍ دې څنګه هیرې کړلې

د پتلنونو نیګټایي لباس تـه ورسیدې
دا سنت ږیری او پګړۍ دې څنګه هیرې کړلې

د غرب د ډول سرود سُرنا ته ور په غاړه شولې
مستې ټپې د ملالۍ دې څنګه هیرې شولې

د جهنم سودا دې وکړه په یو څو ډالرو
د جنت ها سپینې ماڼۍ دې څنګه هیرې کړلې

د (مهـاجر) د وطـن هـغـه زنـدانـي مـلګـري
پښو کی ولچکې او کړۍ دی څنګه هیرې کړلې