شعـــــرونه

افغانستان زارۍ کوي

 شېکن خروټی

افغانستان یمه شیرین یمه ما مه خرڅوئ
د ننګ د غاړي لونګین یمه ما مه خرڅوئ

لا مي بند کړي په وده کي څو سرزوري دیوان
د سلیمان د لاس نګین یمه ما مه خرڅوئ

د ډیرو تورو اژدهاوو مي مرۍ غوڅې کړې
د وخت اتل یم خان مومین یمه ما مه خرڅوئ

میړنۍ خاوره یم پر غیږ کي مي څېرې روزلې
مور د سید جمالدین یمه ما مه خرڅوئ

غاښ ماتوونکي ګذارونه مي پر زړه ورکړي
ازغی د سترګو د ګرګین یمه ما مه خرڅوئ

د وخت په تبر ماتوي راته د تن هډوکي
زه ورته سنګ یمه سنګین یمه ما مه خرڅوئ

راپسي ګرځي سوداګر د سرو په تول مي اخلي
بِه یم، بهتر یم، بهترین یمه ، ما مه خرڅوئ

بدرنګوي مي نړوي راته سینګار “شیکنه”
ما ورنه وژغوره، حسین یمه، ما مه خرڅوئ

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
فقيرزوى محمدابراهيم خان

بدرنګوي مې نړوي راته سينګار شيکنه
ما ورنه وژغوره حسين يمه ما مه خرڅوئ

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x