شاعر او ليکوال الحاج پير محمد کاروان

د پير محمد کاروان نوی غزل

پير محمد کاروان

بلومه په ډيوو کې دعاګانې

نیمه شپه مې په لېمو کې دعاګانې

له تسبو نه مې تارونه دي را ویستي

غږومه په نغمو کې دعاګانې

طنازي یې په لفظونو کې نازي کړي

په غزل په زمزمو کې دعاګانې

د رندانو سترګې برندې را پسې دي

کړنګومه په پیالو کې دعاګانې

کړه مې لپه میناتور جام د مرجانو

تنده غریه څښه اوبو کې دعاګانې

د برکلي به وي سخ چې وي د سولې

پېغله ناوې په چمبو کې دعاګانې

کچ او مېچ د چا د لېچو را سره دی

مړې یې مه شه په بنګړو کې دعاګانې

و کاروان ته یې تورسترګې کړي ور یادې

په دې ورځو په دې شپو کې دعاګانې



تبصره وکړه

ستاسو ایمیل ادرس به هیڅ کله نشر نه شي.