مهاجر یم/ عاکف مهاجر

عاکف مهاجر

مهاجر یم له هجرته مې زړه تور دی
نور له دغه سعادته مې زړه تور دی

ګران وطنه خپله غیږه کې ځای راکړه
نور له دغه منقبته مې زړه تور دی

کاش چې یو بل ته مو ورور او ورور ویلی
نور له جنګ او رقابته مې زړه تور دی

د سیالانو له قطار وځو که پوه شو
د پردو له رفاقته مې زړه تور دی

لکه ګل غوندې وطن مو اخ خزان شو
له ژبنیو شرارته مې زړه تور دی

له ګلبڼه د اغزو کلي ته راغلم
نور له دغه قرابته مې زړه تور دی

جنتي غیږ کې عاکف به دې ارام شم
د پردو له ذلالته مې زړه تور دی

تبصره وکړه

ستاسو ایمیل ادرس به هیڅ کله نشر نه شي.