شعـــــرونه

جلا وطن شاعره

ای بندي د زمانې دود اودستور
ته بې وسې ، نا علاجه یې صبور

 دهجران او دغربت په دام اسیرې
د وطن تیارو حالاتو کړې مجبور

ای همرازه د طبیعت د ښکلا ګانو
ته سپیڅلې ته الماس د کوې تور

ته پخپله ځانله عزم اراده شه
ترغلام حلقه به ګوش ښه دی باتور

افتخار په هغه پوهه  او طبیب  شه
چې په ښه نسخه علاج کړي د رنځور

چې په پوهه لار پیدا کړي د رازونو
لوړ همت شي ، افتخار شي د  غرور

نن نړۍ لوړاسما نو ته لارې باسي
موږلا اوس سکنی ورور ګنو تربور

ستا احساس کې د وطن مینه ځلیږي
ته ځلانده ، سره لمبه یې د سرور

ستا په ګوتواو قلم کې برکت شته
افغاني  مینه، احساس لیکه ضرور

———————————

سمیع الدین افغاني

۱۷ / ۱ / ۲۰۱۴

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x