sola

د سولې دروغجن مدافعین

نوید صهیب

کلونه کیږي چې د هر افغان په ژبه او زړه د سولې د راتلو آرمان کیږي ، هغه سوله چې په راتلو یې د وخت سترې او خطرناکې جګړې ته د پای ټکی ایښودل کیږي، هغه سوله چې په راتلو سره یې د افغانانو د معصومو وینو د بې درېغه بهیدونکو سېلابونو مخ ډب کېږي.

دلته اوس بیلابېل جهتونه،اشخاص او افراد د سولې لپاره کار کوي، خو ددې بیلابېلو جهتونو ،اشخاصو او افرادو لخوا د سولې راتلو ته د هڅو او لبیک تر شا بیلابېل اهداف او موخې شته، چې د سولې دا دروغجن مدافعین په هره ممکنه لاره ورته رسېدل غواړي.دا خلک د خپلو اهدافو په بناء په خپل مدعی کې دروغجن دي،دوي د تاریخ او أفغانانو په سترګو کې خاورې شيندل غواړي.

أولا امریکا او متحدین یې له سولې څخه د خپل مقابل جانب په خلاف د یوې توطئې په بڼه کار اخیستل غواړي.

له شک پرته امریکا او متحدینو یې په افغانستان کې ماتې خوړلې چې د اباما او ټرامپ بربنډ اعتراف یې ښکاره ثبوت دی.
امریکا په افغانستان کې د خپلې حربي ماتې د جبران په موخه غواړي د سولې او دیپلوماسي له لارې خپل غچ واخلي هغه داسي چې طالبان بدون له جګړې وسله په ځمکه کېږدي او د سولې په نوم تسلیم دوی ته تسلیم شي.

پدې وروستیو کې د ارمریکا ددغه حربې په وړاندې د طالبانو روغ سیاست امریکا لدې لارې هم نا امیده کړې او پدې لاره هم هدف ته رسیدل ورته محال ښکاري.اوس دوی بیا دې سخت بري ته د رسیدو نورې خطرناکې لارې لټوي، چې له هغه جملې یې په نورو پټو نومونو د جګړې تودول او افغانستان ته د نورو امریکایي فوځیانو رالېږل د یادولو دي.

د سولې اړوند د کابل د ګډ حکومت دریځ د امریکا د دریځ په بناء ولاړ دی ، څه چې دوی وایي هغه په هېڅ صورت د امریکا د پالیسۍ سره په خلاف نشي واقع کیدای، دا ځکه چې د امریکا دوستي د ګډ حکومت د حکومتداری او بقا راز دی.

د اشرف غني په خوله په قطر کې د طالبانو د سیاسي دفتر د بندولو دا نوې غوښتنه هم د امریکا د پالیسی برخه ده،امریکا په هیڅ صورت نه غواړي چې طالبان د دعیه تر نړیوالو ورسوي، ددې خلاف طالبان خپل د قطر دفتر نړیوالو ته د خپلې داعیې د رسولو مهمه مرجه بولي او مؤثر کار ترې اخلي، خو امریکا د قطر دفتر سره د سولې په نوم د طالب د تسلیمۍ منلو په صورت
کې موافقه ده، چې دا خوب یې بي تعبیره او بې فایدې ثابت شوی.

دوهمه ډله د سولې قدرت طلبه مدافعین دي،دا ډله هغه جګړماران دي چې په جنګ کې خپل سړېدونکی رول او ورک کېدونکي ځای ته په کتو دې نتېجې ته رسیدلي چې د جنګ له لارې هیڅکله قدرت ته نشي رسیدلی ،دا ډله هم د (الصلح خیر) تر
شعار لاندې ځانونه سوله خوښي بولي، دوی پخپله مدعی کې دروغجن دي، د سولې دا ډول مدافعین د روسانو په وخت کې هم موجود وو،چې حکمتیار پخپل کتاب (د افغانستان د قضیې سیاسی حل!!) کې ورنه یادونه کړې.

د انجینر صیب حکمتیار په اند : دا خلک بغیر له قدرت غوښتنې بله انګېزه نلري،هر هغه بدلون چې ددوی اقتدار تضمین کړي دوی ته خوښ او د قناعت وړ دي، اګر که هغه د ملت د اسارت سبب او ټول ارزښتونه پکې پیمال هم شي.‏‏‏‏



یادونه: په نن ټکی اسیا کې لیکنې یوازې د لیکوال خپل نظر څرګندوي، د ادارې توافق ورسره شرط نه دی. که تاسو غواړئ نن ټکي اسیا کې مو لیکنه خپره شي، اړیکه راسره ونیسئ. مننه

تبصره وکړه

ستاسو ایمیل ادرس به هیڅ کله نشر نه شي.