نړۍ

روسیه وايي په سوریه کې یې ۱۶۲ سلاوي تجربه کړې

نن ټکی اسیا (دوشنبه، کب ۹، ۱۳۹۵ل): د روسیې دفاع وزارت وايي چې مونږ د سوریې د جګړې پر مهال ۱۶۲ وسلې وازمایلې، چې ځیني یې ډیري مختللې او پیچلې وي.

دفاع وزیر سرګی شویګو د روسیې پارلمان ته په وینا کې وویل چې زمونږ ټولو وسلو ډېر ښه فعالیت وښود خو یوازي لس یې داسي وي چې لږ کمزوري ثابتي شوې.

د روسیې حکومت هر کله په ښکاره ویلي چې د بشار الاسد د رژیم په ملاتړ ددوی عملیات په سوریه کې د زور ښودلو او خپلو وسلو ازمایلو ښه فرصت دی، خو په وینا یې اصل هدف نه دی.

د روسیې په چارو کې یوه کارپوه ویلي چې په سوریه کې د روسیې اصل هدف د اوکراین د شخړي وروسته د غرب سره د سیاسي انزوا ماتول او د بشار الاسد ملاتړ وو، خو د وسلو ښودل او ازمایل ورسره اضافي ګټه وه چې د روسیې په برخه شوه.

نوموړی وایی چې همداسي په هیواد دننه کې هم ځیني وجوهات وه چې له امله یې روسیې د سوریې په شخړه کې مداخلت وکړ.

باید وویل شي چې په سوریه کې د روسیې مداخلت نه یوازي دغه جګړه لا اوږده، پيچلې او د نامعلوم برخلیک سره مخ کړه، بلکې په لسګونو زره بې ګناه سوریایان په کښي ووژل شول او په سلګونو زره نور هجرت ته اړل شول.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x