افغانستان

ملي پولیس د یو سپین ږیري له ځورولو خوند اخلي / ویډیو

نن ټکی اسیا (پنجشنبه، کب ۱۲، ۱۳۹۵ل): په ټولنیزو رسنیو کې یوه خپره شوې ویډیو ښيي چې ملي پولیس په یو سپین ږیری کلیوال ساتیري کوي او د هغه له تنګولو او ځورولو خوند اخلي.

په ویډیو کې د پولیسو سرتیري لیدل کیږي چې یو سپین ږیری یې په خونه کې ایسار کړی او د ځورولو په نیت یې پرتوګاښ ته لاس وراچوي. سپین ږیری چې د هویت په اړه یې څه نه دي ویل شوي، له ډیرې بې وسۍ په چیغو او سورو لاس پورې کوي، خو فریاد یې د پولیسو د قهقهو خنداګانو په شور کې ورک شي.

په دې درې نیمې دقیقه یي ویډیو کې سپین ږیری څو ځله د ځان د خلاصون لپاره له خونې د تیښتې هڅه کوي، خو پولیس یې نه پریږدي، بلکې د سپین ږیري بې وسه حالت ته له خندا شنه پراته وي.

په ویډیو کې لیدل کیږي چې سپین ږیری له ډیره درده او مجبوریته د ناموس کنځلي کوي خو عسکري یونیفورم په تن پولیس یې هره کنځا په مستو خنداګانو ورغبرګوي.

تر اوسه د پولیسو د هویت او د پیښې د تاریخ په اړه دقیق معلومات نه دي تر ګوتو شوي، خو د ټولنیزو رسنیو یو شمېر فعالانو چې دغه ویډیو یې خپره کړې، ویلي دي چې یاد پولیس د بدخشان ولایت د کشم ولسوالۍ د امنیه قومندانۍ مربوط دي.

تر دې وړاندې د هیواد له ګوټ ګوټ څخه د پولیسو په لیکو کې د غلاوو، جنسي بد اخلاقيو، لارې شکولو، په زور د خلکو د ږیرو خرییلو او ګڼو نورو نادودو راپورونو ورکړل شوي، خو په یو معمر سپین ږیری د ژړا تر حده ملنډې او ځورونه په خپل ډول کې د پولیسو د کړنو یوه بې سارې بېلګه ده چې تر دې مخکې نه وه رسنیزه شوې.

یاده ویډیو نن ټکی اسیا ته هم را رسېدلې چې لاندې يې کتلی شئ.

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
امان

داخو دی همدی زورونی. برکت ده. چی هره ورځ په سل هاو مرداری ګی او په مرګ کی برکت.

pattang

دا حرا میان خو امریکایانو مفعول اموخته کړي دي او اوس داسې بخاریان دي چې دخپلو سپينژيریو عزت هم نکوي او فرضو ته یې لاس ور وړي چې کار یې پرې کیږي او که نه !! تف لانت دهندو په زامنو

الحاج استاذ بیانزی

سرمایداری یهودی استعمار حتی هغو هیوادو کی چه دوی ورته خپل وایی همدغه کار تر سره کړی چه غریب عوام خلک لمړی بیسواده او بیا غریب کړی ، به مقابل کی یی د ګوتو په شمار خلک هم په شیطانی علومو پوه او بیلونر جوړ کړی ، په دی واسطه له هغو غریبو ( د هغوی د غریبی له امله ) هم پولیس ، هم عسکر او هم د خپلو ساتنو او کارخانو چلولو د پاره په همدومره معاش استفاده کوی چه ژوندی پاتی شی یا یی نورو هیوادو ته له ځآنه سره بیای او د نورو هیوادو غریبان پری… نور لوستل »

Back to top button
3
0
Would love your thoughts, please comment.x
()
x