نړۍ

عمران خان: د افغانستان او پاکستان بندې پولې بشري ناورین را منځته کوي

نن ټکی اسیا (یکشنبه، کب ۱۵، ۱۳۹۵ل): د پاکستان د تحریک انصاف مشر عمران خان د افغان سفیر عمر زاخېلوال سره تر ملاقات وروسته ویلي چې د دواړو هیوادونو تر منځ تړل شوې لاره بشري ناورین را منځته کوي او د بند پاته افغانانو سره یې خپله غم شریکي کړې.

نوموړي پر خپل ټویټر ولیکل: «د افغانستان او پاکستان پوله تړل بشري ناورین را منځته کوي، دواړه حکومتونه باید یو بل سره همکاري وکړي تر څو د پولې دواړو غاړو ته د تروریزم مخه ونیسي».

دواړو مشرانو د افغانستان او پاکستان تر منځ د لارو پرانیستلو غوښتنه وکړه او د همداسي د ګډي همکاري او اړیکو د بیا نوي کولو په اړه یې تاکید وکړ.

عمران د ملاقات وروسته په یوه بل ټویټ کې ولیکل: «هغه کسان چې قانوني اسناد لري او هغه تجاران چې خرابېدونکې توکې ولري، باید د پولې څخه اوښتلو او را اوښتلو ته پرېښودل شي تر څو ددواړو لورو عامو خلکو ته ضرر ونه رسیږي».

باید وویل شي چې د پاکستان د پوځ مشر جنرال قمر جاوید باجوا د تيري میاشتي (فروري) پر ۱۶ نیټې هغه مهال د پولو تړلو امر وکړ، کله چې د سنده ایالت په سهون کې د لعل شهباز پر مزارې د یوې چاودني په ترڅ کې ۹۰ کسان مړه او په لسګونو نور ټپیان شول. ددغه پيښي مسؤولیت داعش په غاړه واخیست، او پاکستان پر هغو وسله والو واچوی چې د افغانستان په غاړه کې اوسي او په وینا یې د هندوستان او افغانستان د استخباراتو څخه کومک اخلي.

د دروازو د بندېدو وروسته پاکستاني پوځ ته امر هم شوی وو چې پر غیر قانوني لارو راتلونکې کسان دي په ډزو وویشتل شي چې له امله یې د افغانستان سره د پاکستان لاره په بشپړه توګه بنده شوه.

د پاکستان پوځ د رد الفساد په نامه عملیات هم پيل کړه چې له امله یې په سلګونو پښتانه او افغانان تر اوسه نیول شوي دي او د نامعلوم برخلیک سره مخ دي.

د تورخم او سپین بولدک د لارو د بندېدو له امله په سلګونو افغانان چې پاکستان ته په قانوني اسنادو راغلي او بیرته خپل هیواد ته روان وه، بند پاته شوي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x