جورج بوش (زوی)

بوش وايي پر افغانستان او عراق يې د یرغل پرېکړه پر ځای وه

نن ټکی اسیا (یکشنبه، کب ۱۵، ۱۳۹۵ل): د امریکا پخواني ولسمشر جورج بوش په یوه تازه مرکه کې ویلي چې دی اوس هم په دغه فکر دی چې پر افغانستان او عراق یې پوځي یرغل پر ځای پرېکړه وه او د هیڅ پښېمانې منلو ته اړتیا نه ویني.

نوموړي د امریکايي تلویزون ان بي سي (NBC) سره په مرکه کې وویل چې د افغانستان او عراق د اشغال په اړه هیڅ پښېمانې ته اړتیا نه ویني، دواړه پریکړې یې پر ځای وې.

نوموړي وویل: په جګړه کې خو عسکر ټپیانیږي او خوږ ورته رسیږي، دا د جګړو یوه برخه ده.

جورج بوش اوس مهال د عراق او افغانستان د جګړو څخه د را ګرځېدلیو ټپيانو عسکرو او د هغوی کورنیو سره د مرستو را جلبولو لپاره کار کوي.

«زه دا منم او پښېماني څرګندوم چې دوی ټپيان شول»

زه ډېر اندېښمن وم کله چې مې افغانستان او عراق ته د پوځ لېږلو امر وکړ، ځکه زه پوهیدم چې کیدای شي دا خطرناکي پایلي ولري.

باید وویل شي چې د افغانستان جګړه د امریکا تر ټولو اوږده جګړه بلل کیږي چې لا یې اوس هم پای څرګند نه دی او هیڅ اټکل نه کیږي چې څومره به نور دوام وکړي. د امریکا ولس تل له خپل حکومت څخه غوښتنه کړې چې د افغانستان جګړې ته دي د پای ټکی کښيږدي. خو د کتونکو په باور ځکه چې د امریکا پوځي جنرالان او د دفاع وزارت چارواکي د افغانستان په جګړه کې خپلې ګټې ویني، ځکه په افغانستان کې د پوځیانو شتون ته ادامه ورکوي.

د بوش په امر امریکايي ځواکونو پر افغانستان د کال ۲۰۰۱ په اکتوبر میاشت کې برید وکړ او د طالبانو حکومت یې ړنګ کړ، بلخوا په عراق کې د امریکايي ځواکونو برید د کال ۲۰۰۳ په مارچ میاشت کې پر شلمه نېټه وو، چې په یوه میاشت کې یې دننه د صدام حسین حکومت ړنګ کړ.

په دواړو هیوادونو کې د امریکايي ځواکونو په زرګونو عسکر وژل شوي او په لسګونو زره نور یې ټپیان شوي دي.

د سي ان ان امریکايي تلویزون په وینا د عراق او افغانستان په جګړه کې شاوخوا ۸۰۰۰ امریکايي عسکر وژل شوي.

یوازي په افغانستان کې تر ۲۰ زره زیات امریکایان ټپیان شوي دي او  په زرګونو نور قرادادي امریکايي عسکر هم وژل شوي او ټپیان شوي دي، خو دغه عسکر امریکا خپل پوځ ته نه منسوبوي بلکي قراردادیان ورته وايي که څه هم امریکایان وي.

د افغانستان د اشغال په لومړیو کلونو کې د ۲۰۰۹ پوري د ملکي تلفاتو هیڅ حساب نه دی نیول شوی خو له هغه وروسته د یوناما د راپورونو سره سم هر کال په لسګونو زره افغانان د روانو جګړو له امله وژل کیږي او په سلګونو زره نور ټپيان او له خپلو سیمو څخه بې ځایه کیږي. باید وویل شي چې د امریکایانو د اشغال په لومړیو کلونو کې د ملکي تلفاتو شمېر څو چنده زیات وو.

بلخوا په عراق کې د ملکي تلفاتو شمېر د یو لک اویا زره (۱۷۰،۰۰۰) څخه نیولې بیا تر یو لک نوي زره (۱۹۰،۰۰۰) پوري ښودل کیږي.

یوه تبصره

  1. د بوش د اخری ابلهانه یادونو به اړه ارزونه به ستونزمنه وی چه یوه کوچنی تبصره کی ځای شی، که وخت راسره یاری وکړی کومه لیکنه کی به یی راونغاړم ، هغه به څه ناڅه وخت نیسی تبصره کی به یی هم څه ناڅه ارزونه وکړم :
    لمړی : هغو ورونو ته چه د امریکا د حکومت جوړیدل ، د سیاسی ګوندو جوړشت او دپلانو جوړولو او تصمیم نیولو معلومات لری هغوی ته پته ده چه وخت ناوخت د امریکا جمهور ریسان په نښه کیږی ښه مثال یی جان کینډی دی، حتی ټولو ته یی قاتل هم معلوم دی ولی د هغوی د قدرت له امله یی څوک د قاتل نوم هم نه شی یادولی.
    علت د دی وژنو څه دی ؟
    علت یی همدا چه د امریکا هیواد اصلی واکداران ، پلان جوړونکی او تصمیم نیونکی دماسونیزم حکومت کی بار دننه نالیدلی قوه ده. هغوی له اوله د نړیوال حکومت ( نیو ورلد ارډر ) د تاسیسولو د پاره هلی ځلی لری پروژه تر ډیری کچی پرمخه هم تللی، د هغه پروژی له مخی دوی د د موکرات او جمهوریت په نامه دوه ګوندونه لری په دا دری سوه کاله او دری سوه نفوس کی هغه دوه ګوندونه په دری یا څلورو بدل نه شول ځکه له دوو زیاتو ګوندو مخه نیول شوی دغه دوه ګوندو پالیسی هم ځانګړی شوی چه یو یی خزانی ډکوی او بل ګوند یی تشوی .
    یوویشتمی پیړی په شروع کی د نړیوال حکومت ( نوی ورلډ ارډر ) د تاسیسولو او اعلانولو وخت رارسیدلی وو ، یعنی مظلوم بشریت یی مهار کړی یوآځی څه چه ورته پاتی وو هغه په اسلامی نړی جهادی ویشل شوی او پراګنده ګروبونه وو ، د هغی د محوه کولو د پاره یی د سپټمیر د یوولسمه فاجعی په رامنځته کولو او پلمه نیولو یی په افغانستان او عراق د یرغل او اشغال پلان جوړ کړی وو .
    د دغه وخت د پاره د پوش په شان کم عقل ولی باوری کس ته اړه وه، بی عقل په دی معنی که د ماتی سره مخ شوی وی امریکایانو به ویل چه بوش کم عقل وو ځکه مات شو ، مګر د پوش هره کړنه او وینا مخکی له مخکی پلان شوی وی حتی د ویلو وخت او تاکتیک هم ورته ویل کیده چه کومه حنجره او لویی یی ووایی ، د هغه ځینی لوی خبری دا وی چه ( زما سره یا زما دشمنان یاست ) ، طالبان به څو اونیو یا میاشتو محوه یا مهار کړم، د طالبانو سره خبری کول د هغوی په رسمیت پیژندل دی او زه د هغوی له منځه وړل غواړم او داسی نوری.
    د الله ج کړنو ته وګوره چه څو اونۍ یا څو میاشتی یی په کلونو هم نه په لسیزو بدل شول، د دی په ځای چه طالبان په رسمیت ونه پيژنی او خبری ورسره ونه کړی اوس ورپسی د خبرو د پاره نور اسلامی او حتی کفری هیوادونه واسطه کوی او هغوی ییی په رسمیت نه پیژنی ، د دی په ځای چه طالبان محوه یا مهار کړی دوی دماتو سره مخ د تیښتو د پاره لیاری ګودری لټوی ، هغه چه په تریلونو ډالر یی خرڅ کړل لکه امریکا چه وخته خرڅه شوی وی د هغه تریلونو ډالرو سود څو سوه بیلونو ته رسیږی سر خو یی څه هغه سود به یی هم ورته ملاوی ماتی کړی . دا چه څومره بی ګناه افغانان یی ووژل هغه خو بوش ته انسانان څه چه حیوانات هم نه ښکاره کیدل مګر په زرونو اروپایان او امریکایان یی قربانی کړل .
    لاسته راوړنی یی څه دی ؟ مقاومت تر پخوا لازیات شوی څه چه دوه برخه خاوری تری طالبانو لاندی ایستی ، داسی یوه ناوړه او فاسده اداره یی کینولی یا تری شړیدلی چه کله دوه سره او لکه څو سری حکومت جوړوی که طالبان نه وی خپلو کی یو بل له منځه وړی چاړه او غوښه دی ، افغانستان کی د نړی ۹۵ برخی د نړی نشه توکی جوړیږی او په هروینو بدلیږی اروپا او امریکا ته راوړل کیږی او هم یی د افغانستان پنځمه برخه په نشه توکو روږد کړل . روس او چین چه پخوا یی د دوی له سوپرباوری ډاریدل مالی او نظامی مرستی یی ورسره کولی نن یی هغوی هم په مخالف قطب کی قرار لری د طالبانو ملاتړ کوی ، حتی هغه نزدی ناتو ، د سیمی نور غلامان لکه سعودی ، ترکیه آیران او پاکستان هم ورته د ګیدړانو په شان ورله په هدوکو شخوند وهی ، زه حیران یم چه دامریکاخلک بوش او د هغه وخت چارواکی ولی نه محاکمه کوی په داسی حال کی چه هغه خپله ملامتی هم نه منی ، د امریکا خلک ویده او که تعقیم شوی دی ؟
    بوش صرف د خبل پلار ارمان ( د نیو ورلد اردر ) تر سره کولو هڅه وکړه مګر د پلار رنګ یی هم وربد کړو . مننه

تبصره وکړه

ستاسو ایمیل ادرس به هیڅ کله نشر نه شي.