ibrahimi-2

د ولسي جرګې پلاوي ته د امریکا ویزې نه دي ورکړل شوي

نن ټکی اسیا (یکشنبه، کب ۱۵، ۱۳۹۵ل): په کابل کې د امریکا سفارت د ولسي جرګې مشر او یو شمېر نورو وکیلانو ته د ویزو له ورکړې ډډه کړې.

د عبدالروف ابراهیمي په مشرۍ د ولسي جرګې یو پلاوي غوښتل چې په فبروري میاشت کې امریکا ته لاړ شي او د ملګرو ملتونو د «بین الپارلماني اتحادیې» په کلنۍ غونډه کې ګډون وکړي.

یاد پلاوي په کابل کې د امریکا سفارت ته د ویزو د ترلاسه کولو لپاره مراجعه کړې وه خو امریکايي سفارت یې خواست مسترد کړی او ویزې یې نه دي ورکړي.

ټاکل شوې وه چې د افغان چارواکو دغه لوړپوړی هیئت په یاده غونډه کې د سمندرونو د مصئونیت، موسمي تغیراتو، طبعیت او د قانون د حاکمیت په اړه بحثونه وکړي.

که څه هم له دې پیښې څخه نږدې درې اونۍ تیریږي، خو تر اوسه یې ولسي جرګې په اړه څرګندونې نه دي کړي.

دا لومړی ځل نه دی چې د افغانستان ولسي جرګې مشر عبدالروف ابراهیمي امریکا ته له سفره منع کیږي، نوموړی په ۲۰۱۵ کال هم امریکا ته د تګ اقدام کړی و، خو په نیمايي لار کې ورته د امریکا له سفارته په تلفون ویل شوی و چې که امریکا ته داخل شي له ستونزو سره به مخامخ شي. ښاغلي ابراهیمي د دوبۍ نړیوال هوايي ډګر څخه بیرته کابل ته راګرځیدلی و.

دا په داسې حال کې ده چې ولسي جرګې د ۲۰۱۴ په نومبر کې په غوڅ اکثریت له امریکا سره امنیتي تړون هم تایید کړی و.

د یادونې وړ ده چې د امریکا حکومت تر دې وړاندې د افغانستان مرستیال ولسمشر جنرال دوستم ته هم د ویزې له ورکولو ډډه کړې وه. د نیویارک ټایمز ورځپاڼې په اساس د تېر کال په اپریل میاشت کې جنرال دوستم غوښتل چې واشنګټن ته لاړ شي او هلته له امریکايي چارواکو سره د طالبانو په خلاف عملیاتو باندې خبرې وکړي، خو امریکايي چارواکو خپل هیواد ته د ورننوتو اجازه ورنکړه. د ورځپاڼې په وینا افغان حکومت د دې شرم د پټولو په خاطر اعلان وکړ چې د هیواد په شمال کې امنیتي حالات د ډاډ وړ نه دي نو ځکه جنرال دوستم د امریکا سفر لغوه کړ.



4 تبصرې

  1. الحاج استاذ بیانزی

    دا کوچنی ستونزه نه ده چه په کوچنی نظر ورته وکتل شی زه یی په اړه لاندی ارزونه د مسلمانو افغانانو سره شریکوم
    لمړی : دا چه دوستم ته یی ویزه نه ده ورکړی دوستم امریکایانو ته له مخکی معلوم وو چه یو بی سواده قاتل او د کمونستی ملیشو کمونست مشر وو حتی په کمونستی هم نه پوهیدولو یو عیاش خبیث انسان وو روسانو له همدی وحشیانو استفاده کوله چه عین استفاده تری دی اشغالګرو هم وکړه او دهغه استفادی په بیه کی یی د لمړی معاون مقام ته ورسولو . دا چه اوس ویزه نه ورکوی امریکا نه غواړه چه به هغه بدنامه او بیسواده څیره چه ټول نړیوال یی پیژنی ځان بدنام کړی .
    دوهم : مګر د ابراهیمی په اړه چه هغه هم د دوستم قومی او د دترکانو به میلونو یا بیلونو ډالرو یی دغه ستر مقام تر لاسه کړی ، تر هغی چه زه ابراهیمی ته ګورم د پوښ په کچه پوه او نسبی عقیده مند سړی ښکاری ، دا چه ولی ویزه نه ورکوی څو دلیلونه یی زه په اړه ویلی شم
    ا ــ دا هغه وخت دی کوز پوړی مامورین خو یی پریږده هر منځپوړی او لوړپوړی مامور او امیر یی د طالبانو له ډاره بستره شاته اچولی ، وزیران یی سفارتونه او یا په سفارتو کی د یو مستخدم دنده هم قبلوی چه په خیر له افغانستانه پشی خپلی کړی حتی ع او غ ته که ویزه ورکړی شی هغوی هم په تیښته کی دی .
    ۲ ـ په دی اواخرو کی امریکا ته ډیرو راغلو د سییاسی پناه غوښتونکی شوی اروپا خو د همدغه افغانانو له لاسه ډکه شوه ع او غ د عسکرو څه چه مامورینو پسی ګرځی هره ورځ یی د فتری تشی وی پرونی مامور یی نن نه وی او د نن مامور یی صانه وی ، ابراهیمی خو ډثر چوپ او چالباز معلومیږی هغه خو خامخا سیاسی پناه غواړی او دهغه سیاسی پناه غوښتل بیا پټه هم نه پاتی کیږی نو دا به د پاتی مامورینو او عسکرو په مورال څه چه د دندو په باتی کیدو ډیر ناوړه اثر واچوی او د کابل د غلامی ، ناوړه او فاسده اداری عمر به لا نور رالند کړی او داسی نور

  2. اي شرميدلو ,اي غلامانو ,اي دملت قاتلانو تاسونه کفار هم کرکه لري. تاسو په اولس کي هم حيثيت نلرۍ.

  3. طاهرخان اسلام اباد

    څو ورځي وړاندي د پاکستان د سنا (دمشرانو جرګه) مرستيال مولانا عبدالغفور حيدري ته د امريکا سفارت ويزه نه ورکړي چي د يوه بل سناتور سره امريکا کي د يوي غونډي لپاره روان وو. د سنا ريس رضا رباني د احتجاج په توګه دا سفر لغوا کړ او اعلان يي وکړ چي د پاکستان سنا مجلس به د امريکا د پارلمان د غړو هرکلي ونکړي تر څو چي امريکا دا ډول پريکړو د نه کولو رسمي اعلان وکړي. ځه فقط دومره وايم دا د کابل اداري لپاره ښه چانس دي چي د امريکا دا اقدام وغندي او د افغانستان د ولسي جرګي مشر عبدالروف ابراهیمي هم د غيرت څرګندونه وکړي او امريکا ته هم داسي جواب ورکړي چي د افغان ننګ سره وفا هم ده.

  4. الحاج استاذ بیانزی

    دباکستان او افغانستان د انګریزانو یو شان غلامان دی ، دومره توپیر چه پاکستانی حکومت پرونی او افغانی حکومت نننی غلامان دی، د پاکستان د غلامی ساتنی د پاره د انګریزانو د فزیکی شتون اړه نه لیدل کیږی هغوی اوس پاځه غلامان دی یعنی مسلمانان په مسلمانانو وژنی او د کابل اداره د مسلمانانو د وژلو د پاره اوس هم د بادارانو فزیکی نظامی حضور ته اړه لری .
    دا چه ولی یی په سناتورانو . وکیلانو ، والیانو ، ریسانو او جنرالانو وخت ناوخت د ویزو بندیز لګوی غلامانو او نړیوالو ته د غلامانو د غلامۍ اثبات کوی چه کله امریکایان او انګریزان د دوی هیوادو ته ځی په نظامی الوتکو ویزو ته اړه څه چه د دغه هیوادو غلامان یی له راتګه خبر هم نه وی حتی له دی هم خبر نه وی چه کوم ځای کی حضور لری خدای خدای کوی چه ددوی سره به وګوری که نه ، مګر کله چه دوی د انګریزانو هیوادو ته ځی وخت ناوخت پری د ویزو بندیز لګوی چه غلامی یی په ډاګه کړی .
    بل دلیل دا هم دی چه انګریزان له خپلو غلامانو تر هغی کار اخلی چه د کار وړتیا ولری کله چه وړتیا له لاسه ورکوی بیا غلامان د بادارانو هیوادو ته پناه وړی یعنی د هغوی د اوږو بار جوړیږی ، که به دی حساسو شریطو کی وتښتی چه باداران هم د تیښی په حالت دی کی بیا د بادارانو د تیشتی لیاری ګودری ډب کیږی ، ددی امله به یی هم ورته ویزه نه وی ورکړی. بیا دغه سر پیاز کون پیاز ، څه پوهه او ځانګړیتیا لری چه هلته ځی او ستونزی حلوی په داسی حال کی چه دوی خپله د ستوزنزو زیږوونکی دی د فساد عاملین ، خلک تښتونکی او داسی نور ورته مظالم خو ملت نه کوی همدوی یی کوی دغه مفسدینو ته ولی ویزه ورکړی د امریکا په تریولنو ډالر دوی غلا کړل او نور هم غلا کوی د فساد د زیاتوالی د پاره ویزه ورکړی ؟ د دوستم په شان مفسدینو ته ویزه ورکړی ؟

تبصره وکړه

ستاسو ایمیل ادرس به هیڅ کله نشر نه شي.