ټولنیزه برخه

مسلمانان ولې مغلوب دي؟

اظهار الحق عزیز

يوه مسلمان عالم ته يو کافر ورنږدې شو او په غوږ کې يې په ورو ورته وويل: ايا ستاسو په قرآن کې چې څه دي هغه ټول صحيح دي؟ عالم ورته وويل هو، بالکل صحيح دي. کافر ترې پوښتنه وکړه: نو ولې الله عز و جل کافران په تاسو باندې غالب کړيدي او تسلط يې درباندې راوستی؟! او ستاسو قرآن وايې:

﴿ … وَلَن يَجعَلَ اللَّهُ لِلكافِرينَ عَلَى المُؤمِنينَ سَبيلًا﴾ [النساء: ١٤١] او هيڅکله الله عزوجل کافرانو ته په مؤمنانو باندې (د تسلط او غلبې) لاره نه جوړوي.

عالم ورته وويل دا ځکه چې مونږ مسلمانان يو، خو مؤمنان نه يو. کافر ورته وویل: نو د مسلمانانو او مؤمنانو په منځ کې فرق څه دی؟ مسلمان عالم وويل: نن ورځ اکثره مسلمانان د اسلام په شعائرو او احکاماتو ظاهرا عمل کوي لکه لمونځ، زکات، حج، روژه.. خو په الله عز وجل او د قيامت په ورځ يې ايمان زړه ته نه دی ښکته شوی، د حلالو او حرامو پروا نه ساتي، هره کبيره ګناه ورته عادي ښکاري، لکه قتل د بل مال خوړل، دروغ، غيبت، بهتان، له کافر سره دوستي کول، له مسلمان سره دښمني کول.. او داسې نور ګناهونه چې اسلام ترې منعه کړې، لکه منافقان چې په ظاهره ځانونو ته مسلمانان وايې خو ايمان يې زړونو ته نه وي ورننوتی.

الله عز وجل فرمايې: ﴿قالَتِ الأَعرابُ آمَنّا قُل لَم تُؤمِنوا وَلكِن قولوا أَسلَمنا وَلَمّا يَدخُلِ الإيمانُ في قُلوبِكُم..﴾ [الحجرات: ١٤] یعني اعراب (بانډچيان) وايې چې: مونږ ايمان راوړی (مونږ کامل مؤمنان يو)، (ته ورته ووايه:) بلکې تاسو ووايئ چې مونږ اسلام راوړی دی (اسلام مو قبول کړی، خو کامل ايمان مو ندی راوړی)، حال دا چې ايمان تر اوسه پورې ستاسو زړونو ته نه دی ننوتی.
معنی دا ده چې مسلمانان د مؤمنانو درجې ته نه دي رسيدلي، همدا علت دی چې مسلمانان د هر لحاظه ضعيفه او وروسته پاتې دي، که اقتصادي لحاظ دی، که اجتماعي او يا عسکري.. او همداسې نور.

که مسلمانان په رښتيا کامل مؤمنان وای نو کومک به يې ورسره کړی وای، الله تعالی فرمايې: ﴿ .. وَكانَ حَقًّا عَلَينا نَصرُ المُؤمِنينَ﴾ [الروم: ٤٧]

او په مونږ باندې (په دوامداره توګه) د مؤمنانو نصرت حق (ثابت او لازم) دی. که په رښتيا مؤمنان وای نو په هر امت او قوم به غالب او سرلوړي وای، په دې دليل چې الله جل جلا له فرمايې: ﴿وَلا تَهِنوا وَلا تَحزَنوا وَأَنتُمُ الأَعلَونَ إِن كُنتُم مُؤمِنينَ﴾ [آل عمران: ١٣٩] او مه سستيږئ او مه خفه کيږئ، حال دا چې تاسو غالب ياست، که چيرې مؤمنان ياست.

که مسلمانان په رښتيا کامل مؤمنان وای هيڅوک به يې ورباندې نه وای مسلط او غالب کړي، په دې دليل چې الله عز وجل فرمايې: ﴿ .. وَلَن يَجعَلَ اللَّهُ لِلكافِرينَ عَلَى المُؤمِنينَ سَبيلًا﴾ [النساء: ١٤١] او هيڅکله الله عزوجل کافرانو ته په مؤمنانو باندې (دتسلط او غلبې) لاره نه جوړوي.

که مسلمانان په رښتيا کامل مؤمنان وای نو الله رب العزت او دهغه نصرت به ورسره په هر وخت او په ټولو حالاتو کې وای، الله سبحانه وتعالی فرمايې: ﴿ .. وَأَنَّ اللَّهَ مَعَ المُؤمِنينَ﴾ [الأنفال: ١٩] او يقينا الله (دالله نصرت) د مؤمنانو سره دی.

خو متأسفانه د مؤمنانو مرتبې ته او چت نه شول، او د مسلمانۍ په مرحله کې پاتې شول، چې ځيني عملونه د مسلمانانو کوي، خو زړونو ته يې ايمان نه وي ورښکته شوی، او يا يې ايمانونه ضعيفه وي، لکه الله عز وجل فرمايې: ﴿ .. وَما كانَ أَكثَرُهُم مُؤمِنينَ﴾ [الشعراء: ٨] او (حال دا چې) د خلکو اکثريت ايمان راوړونکي نه دي.

د دې ټولو آياتونو څخه معلومه شوه چې الله عز وجل د نصرت، غالبيت، کاميابۍ او سرلوړۍ موضوع مؤمنتوب سره تړلې ده نه ده مسلمانتوب سره، نو آيا مونږ په ريښتيا کامل مؤمنان يو چې څرنګه مړ الله عز وجل غواړي؟ چې د نصرت او سرلوړۍ او حاکميت مستحق شو؟

نو مؤمنان څوک دي؟ او صفتونه يې څه دي؟ د دې ځواب بل وخت ان شاء الله.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
الحاج استاذ بیانزی

عزیز صاحب ، الله ج دی احرونه درکړی ، ستاسی لیکنه د کاڼی کرښه او دنښی منځ مو ویشتلی ، په رښتیا هم اسلامی نړی نن صبا د کفر د توهین او د ساعت تیریو نړی جوړه شوی کفر د ټول عمر غچ اخستنه ورسره تر سره کړه د هغو بندیانو په شان یی چه په اوږدو ځورونو یی وژنی ته ورته دی کفر د مسلمانانو له زورونو مزه اخلی خپلو خلکو ته یی ښیی چه مسلمانان یعنی دهشتګر ، فاسد ، ورانوونکی ، غله ، دروغجن او حریص انسانان دی مهارول نه محوه کول یی په کار دی. هڅی… نور لوستل »

عبدالقدیر مهمند

برادر محترم اظهار الحق عزیز الحمدلله مسلمانان موُمنان واقعی ما همیشه پیروز استند، و می باشند اما متاسفانه یکتعداد مسلمان نما ها یعنی منافقین که به جهاد فی سبیل الله عقیده ندارند مغلوب استند مانند لیدران جهاد فروش اراذل که در زیر رکاب اشغالگران صلیبی ها سگ دوی میکنند مانند اکثریت لیدران هفتگانه پشاور و هشتگانه پارس های رافضی یعنی دین فروش ها ایمان فروش ها وطن فروش ها که در بدل چند دالر کثیف و چند استخوان خود فروشی نموده اند و هم اگر جناب شما به چند آیه اولتر النساء خوب دقت نمائید که الله سبحانه و تعالی… نور لوستل »

Back to top button
2
0
Would love your thoughts, please comment.x
()
x