نړۍ

د اسرائيلي الوتکي په بمبار دوه فلسطینیان وژل شوي

نن ټکی آسیا: دوه فلسطینيان هغه وخت ووژل شول، کله چي د غزه تړانګې په شمال کي د بیت حانون په سیمه کي د هغوی موټر د اسرائیل الوتکي بمبار کړ.

د یهودي فوځ په وینا هغوی په دغه بمبار سره وکولای سوای چي د احمد الزعانین په نامه د فلسطین د ازادۍ لپاره د ولسي جبهې یو مشر ووژني، چاچي په دې وروستیو کي پلان جوړ کړی وو، تر څو داسرائیل د پخواني صدر اعظم اریل شارون په جنازه د توغندیو په واسطه برید وکړي.

باید وویل شي چي تیره ورځ هم د اسرائیل لومړي وزیر بنیامین نتنیاهو ګواښ کړی وو، او ویلي وه که د غزې له خوا پر اسرائیل باندي د توغندیو توغول بند نه سي، اسرائیل به یو ځل بیا پر غزه باندي هوايي بمبار شروع کړي.

دا په داسي وخت کي چی په غزه تړانګه کي د حماس واکمني ډلي تیره ورځ اعلان وکړ او وې ویل چي دوی د اسرائیلو سره پر حدودو باندي خپل فوځ ګمارلی، تر څو حدود خوندي وساتي، او چاته اجازه ورنه کړي چي په اسرائیلو توغندۍ وتوغوي.

د یادوني وړ ده چي څو ورځي وړاندي د متحده عرب اماراتو په اړه ځینو اسرائیلي سرچینو خبر ورکړی وو، چی امارات به د اسرائیلو د ټولو هغو هوايي بریدونو لګښت په غاړه واخلي چي اسرائیل یې د غزې په تړانګه باندي کوي، په دې شرط چي هلته به د حماس د ډلي حکومت ړنګوي، او د هغوی ریښي به د غزې څخه باسي.

له کومه راهیسي چي په مصر کي د اخوان المسلمین حکومت د فوځ له خوا د سعودي، اماراتو او نورو خلیجي او غربي هیوادونو په مرسته ړنګ شوی، د هغه راهیسي په غزه کي د حماس په ډله باندي هم فشارونه زیات شوي، او له هري خوا هڅه کیږي چي اخوان المسلمین ته نیژدې ددغي ډلي څخه واک واخیستل شي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x