امریکا په افغان ترجمانانو ویزې بندې کړي

نن ټکی اسیا (جمعه، کب ۲۰، ۱۳۹۵ل): په کابل کې د امریکا سفارت هغو افغانانو ته د ویزو ورکولو لړۍ بنده کړې چې په تېره یوه نیمه لسیزه کې يې د دوی له ځواکونو سره همکاري کړې.

دغه افغانان چې له امریکایانو سره یې د ترجمانۍ، استخباراتي همکاریو او جګړې په برخو کې مرسته کړې، اوس یې په افغاني ټولنه کې ژوند له ګواښ سره مخ دی او غواړي له خپلو کورنیو سره یوځای په امریکا کې پناه واخلي.

د امریکا دیموکرات ګوند سناتورې (جین شاهین) په دې کار خواشیني ښودلې او په وینا یې له دې اقدام څخه داسې معلومیږي چې امریکا په افغانستان کې له خپلو افغان همکارانو څخه تر استفادې وروسته لاس وینځي.

هغې په کانګرس غږ وکړ چې ژر تر ژره د امریکا د دې پالیسۍ مخنیوی وکړي.

نوموړې سناتورې د (پناه غوښتونکو سره د مرستې نړیوالې پروژې) په حواله زیاته کړې چې په کابل کې د امریکا سفارت افغان ترجمانانو ته د ویزو د نه ورکړې دلیل دا ښودلی چې «د ویزو له کمبود سره مخ دي».

سناتوره جین شاهین وايي چې زرګونو افغانانو خپل ځانونه او کورنۍ په خطر کې واچولې تر څو امریکایان په افغانستان کې په ډاډمنه فضا کې ماموریت ترسره کړي. نوموړې زیاتوي چې له دغو افغانانو سره د خوندي ژوندانه د برابرولو ژمنې شوې وې او که امریکایان یې په ترسره کولو کې وعده خلافي وکړي نو له یوې خوا به د امریکايي ولس په ټنډه د شرم داغ وي او له بلې خوا به په افغانستان کې له امریکايي ځواکونو سره د همکارۍ کچه زیانمنه کړي.

نوموړې له امریکايي کانګرس څخه وغوښتل چې د افغان ترجمانانو په وړاندې د امریکا د دغه «ناسم» چلند غم وخوري.

د یوې احصائیې له مخې دا مهال شاوخوا ۱۰۰۰۰ افغانان چې له امریکايي ځواکونو سره یې په یو نه یو ډول همکاري کړې، په امریکا کې د پناه اخیستنې په تمه شپې ورځې سبا کوي.

د ۲۰۰۱م کال د سپتمبر پیښو په تعقیب په افغانستان د امریکا له پوځي برید وروسته زرګونو افغانانو د بهرنیو ځواکونو لپاره د ژباړې په برخه کې ګڼې امنیتي او ټولنیزې ستونزې وزغملې او په دې لار کې یې له بهرنیو پوځيانو سره سړې تودې وګاللې. خو اوس چې بهرني ځواکونه له افغانستان څخه په وتو دي، افغان ژباړونکي نه په افغاني ټولنه کې خپل ژوند خوندي ویني او نه په بهرنیو هیوادونو کې په ورین تندي استقبالیږي.

په امریکا سربېره د برتانیې، کاناډا، جرمني او نورو هیوادونو له ځواکونو سره همکار افغانان هم له ورته ستونزو څخه کړیږي او د خپل شپاړس کلن احسان په بدل کې د اړوندو هیوادونو له چلند څخه شکایت کوي.

د تېر کال په مارچ میاشت کې برتانوۍ ورځپاڼې ډیلي میل خبر ورکړی و چې هغه افغان ترجمانان چې په برتانیه کې يې پناه اخیستې، بیرته له دې هیواده شړل کیږي.

دغه راز د جرمني هیواد هم په ۲۰۱۵ کال کې د ورته پرېکړې په اعلانولو سره ویلي و چې که افغان ترجمانان په خپلو کلیو کې د طالبانو له ډاره نه شي اوسیدلی، په پلازمینه او نورو خوندي ښارونو کې دي ژوند وکړي.

وړاندې افغان ژباړونکو په کابل کې د بهرنیو سفارتونو مخ ته لاریونونه کړي او شکایتونه یې کړي چې د بهرنیو ځواکونو لپاره یې خپل ژوند په خطر کې واچاوه، خو په مقابل کې یې بهرنیانو دوی په بدې ورځې او ناڅرګند برخلیک واړول.

دغه ژباړونکي وايي چې د قرارداد په وخت کې ورته ویل شوي وو چې د بهرنیانو له وتلو سره به دوی هم له خپلو کورنیو سره یوځای بهرنیو هیوادونو ته بوځي، خو اوس چې بهرنیان خپلې کډې باروي دوی په سپیره میدان پریږدي.

په افغانستان سربېره په عراق کې هم هغه ترجمانان له ورته ستونزو سره مخ دي چې په امریکا کې د پناه اخیستنې په تمه یې له امریکايي ځواکونو سره په خپل هیواد کې مرسته او همکاري کړې.

یوه تبصره

  1. دا له اټکله لیری نه وه ، تر دغو ژباړونکو چه د خپل هیواد د خاوری ، خلکو او خپلواکی او په ځانګړی ډول د خپل ناموس په بیه یی یو څو ډالری تر لاسه کولی ، دا پیش بینی له اټکله په یقین بدله شوه . په دی اړه د هیټلر څخه پوه پوشتنه شوی وه او هغه دا چه :
    تاسی د اروپا اکثریت هیوادونه تسلط یا یا تصرف کړل ، څوک مو پکی خوښ او له چا سره مو کرکی وزږیږیدلی هغه ورته ځواب ورکړو [ هغوی چه زمونږ سره یی د خبلی خاوری او خپلواکی د پلرولو د پاره د خپلو خلکو به وژنه او غلامولو کی ملتیا لرله ، څخه می تر اخری کچی کزکی او هغوی چه زمونږ سره یی د خپلو خلکو ، خاوری او خبلواکی ددفاع د پاره جنګیدل هغوی می تر اخری کچی خوښ شول ]
    د استعمار دوستی او دشمنی د هغوی تر کټو پوری تړلی کله چه هغه ګټی بدلی یا بندی شی کله یی دوستان په دشمنانو او دشمنان یی په دوستانو هم بدلیږی ، ښه مثال یی د ایران رضا شاه چه د بلار او نیکونو له وخته یی د امریکا چوته خواره او ټول ایران یی د امریکا په غلامی کی راوستی وو ، مګر کله چه یی استعماری ګټی بدلی شوی خمینی دشمن یی تر رضا شاه ښه دوست شو رضا شاه یی لیری او خمینی یی له فرانسی په نظامی ځانګړی الوتکه کی ایران ته راوست ، رضا شاه ته یی حتی سیاسی پناه هم ورنکړه اخر مصر ته ولاړ او قاهره کی یی له ډیره قهره او خفګان څخه د زړه د حملی له امله ومړ مصریانو به خپله خاوره کی خخ کړو تر اوسه په مصر کی خخ دی ، اولین هیواد امریکا وه چه د ایران اخوندی شیعه صفوی حکومت یی په رسمیت وپیژندلو د شهرت او اهمیت زیاتولو د پاره یی ورسره د دشمنی خبری کولی تر دی ایران مخی ته ولاړ چه سیمه کی په اتومی قدرت بدل شو چه له امله یی ټول عربان له ویری د امریکا غلامان جوړ شو وایی که تا نه یادوم بل می خدای نشته عربان د ایران له ویری امر یکا تر خدای هم زیات ګڼی
    خبره راڅخه اوږده شوه ، کله کله لوړپوړو لکه ګورباچوف یا پوټین په شان خلک چه استعماری ګټی تل ورپوری تړلی دی له خانه سره دوستان ساتی مګر د افغانستان بیغیرته ژباړن خو یی د ژباړنو وخت کی هم قصدا ورسره امریکایی عسکرو لواطت کولو ، په کابل کی متل دی وایی څوک چه ارت ارت ځی هغه بل وایی دا هم کوم ترجمان یا ژباړن دی ، کشکی له دی راتلونکی ژباړن یا حلقه بګوش غلامان عبرت واخلی د پردی کټ د نیمو شبو دی ، هماغه خپل هیواد چه دوی د حو ډالرو د پاره پلورلو ورته اور او پردی شو ، دا یی د دی ژوند الهی الهی عذاب او دا چه اخرت کی به ورته څه دی هغه حال یی الله ج ته معلوم دی مګر په شکاره ورته کافر ویل کیږی چه دکفارو سره یی د مسلمانانو به وژنه کی مرسته کوله . مننه

تبصره وکړه

ستاسو ایمیل ادرس به هیڅ کله نشر نه شي.