افغانستان

امریکايي ځواکونو په واده عملیات وکړل او زوم یې وواژه

نن ټکی اسیا (جمعه، کب ۲۷، ۱۳۹۵ل): امریکايي ځواکونو په کندهار ولایت کې د واده په مراسمو پوځي عملیات ترسره کړي او د زوم په ګډون یې د واده ۶ تنه ګډونوال وژلي دي.

دغه عملیات چې په کې دولتي عسکرو د امریکايي ځواکونو په ملاتړ ګډون کړی و، تیره شپه د دې ولایت د میوند ولسوالۍ په کلان کچه سیمه ترسره شوي دي.

د سیمې اوسیدونکي وايي چې په واده باندې د عملیاتو په لړ کې امریکايي ځواکونو د زوم تر څنګ ۵ نور کسان هم وژلي او ۱۰ تنه یې له ځان سره بیولي دي.

د راپورونو پر اساس، امریکايي او دولتي عسکرو مخکې له دې چې عملیات پای ته ورسوي، د کلي مسجد هم په بمونو الوزولی.

طالبانو په پيښه غبرګون ښودلی او هغه یې د «اشغالګرو او داخلي ګوډاګیانو د جنایتونو» لړۍ بللې.

دا په داسې حال کې ده چې د تېرې دوشنبې په ورځ امریکايي ځواکونو په پکتیکا ولایت کې جنازه بمبار کړه او د چهارشنبې په شپه یې په کندز ولایت کې کور بمبار کړ.

د ګډحکومت ولسمشر اشرف غني، چې د امریکايي ځواکونو په ورته اقداماتو چوپتیا غوره کوي، د روانې میلادي میاشت په ۶مه ملي شورا ته په خپلې وینا کې ویلي و چې امریکایان ځکه ولسي افغانان بمباروي چې طالبان له جګړې لاس نه اخلي او په وینا یې «دا طالبان دي چې جګړه کوي او له کبله یې امریکایانو ته د بمبار زمینه برابریږي».

په دې وروستیو کې د امریکایانو لخوا د افغانانو د وژلو لړۍ چټکه شوې. په روانه اونۍ کې لږ تر لږه ۲۳ افغانانو د امریکایانو په هوايي او ځمکنيو عملیاتو کې ژوند له لاسه ورکړی دی.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
انصاری

کندهاره په غم دی شریک یو

Back to top button
1
0
Would love your thoughts, please comment.x
()
x