د تورخم دروازه پرانيستل شوه

نن تکی آسیا (دوشنبه، کب ۳۰، ۱۳۹۵ل): د پاکستان لومړی وزير نواز شريف وايي، د ښه ګاونډيتوب او روغ نيت له مخې يې افغانستان سره د تورخم دروازې د سمدستي پرانيستلو امر کړی دی.

پاکستان د تېرې فبرورۍ مياشتې په اوولسمه نېټه افغانستان سره ټولې دروازې او لارې تړلې وې.

د دروازو تړل کېدو سره د دواړو حکومتونو، سوداګرو او ولسي خلکو ته مليونونه ډالره زيان اوښتی دی.

د کرښې دواړو غاړو ته پنځه زره بار لارۍ ولاړې دي، چې تمه ده له نن وروسته د خپل منزل پر لور حرکت وکړي.

د افغانستان او پاکستان سوداګرۍ خونۍ او د بلوچستان د سودارګرانو اتحاديې له پاکستانه غوښتنې کړې وې، چې افغانستان سره ټولې تړل شوې لارې پرانيزي.

سوداګرو ويلي و، چې د لارو تړل کېدو له امله د دواړو لوريو سوداګرو ميليونونه ډالره زيان اوښتی دی.

وړمه ورځ تورخم ته څېرمه لنډيکوتل سيمه کې ځايي قبايلي خلکو مظاهره کړې، چې حکومت دې تورخم پرانيزي.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د