پخې خبرې

•    د الله تعالی کتاب د زړونو درمل دی.

•    په هغه ورځ وژاړه چې درنه تېره شي خو هيڅ دي پکې ونه کړل ( أبوبکر رضي الله عنه).

•    صبر غیر د خیر نه نور هيڅ نه درکوي.

•    ځناور خپل مالک پيژني خو انسان خپل رب نه پېژني (عثمان رضي الله عنه).

•    کله چې خېټه ډکه شي نو د فکر قوه سسته او د علم او حکمتونو صلاحيتونه کمزوري شي (عائشة رضي الله عنها).

•    د ناپوهه سړي ستر په چوپتيا کې دی.

•    د ذلت ژوند نه د عزت مرګ ښه دی (حسین رضي الله عنه).

•    توبه ويستل آسان ، خو د ګناه پرېښودل ګران دي (جعفر صادق رحمه الله تعالی).

•    د جاهل نه ځان ساته ځکه هسې نه چې تاهم د ځان پشان کړی (لقمان رضی الله عنه).

•    انسان ته آدب ښودل د ځناور ته ادب ښودلو نه ډير ګران دی (امام شافعي رحمه الله تعالی).

•    ښه کتاب نېغه لار ښئ (محمود غزنوي رحمه الله تعالی).

•    که خوشحاله اوسيدل غواړي خپل غم پټ کړه ، او نور خلک خوشحاله کړه ( شیخ عبد القادر جيلاني رحمه الله تعالی).

•    ته دي خپل ځوی ته قرآن زده کړه ، قرآن به ورته نور هرڅه ورزده کړي.

•    خوب دي قبر ته وساته، او ساتيري او خوبونه کم کړه ځکه داسې خوب درباندې راروان دی چې سهار يې قيامت دی.

•    حسن بصري ته چا وويل: زړه مې سخت دی ، ځواب يې ورکړ: په ذکر باندې ادب ورکړه.

•    امام احمد رحمه الله ته چا وويل: راحت به کله مومې؟ هغه وويل: کله چې خپل اولنی قدم په جنت کې کيږدم.

•    انسان ته د اسلام نه وروسته تر ټولو ښه ډالۍ نېک ملګری دی (عمر رضي الله عنه).

•    ابن القيم رحمه الله تعالی وايې: پدې تعجب مه کوه چې حق بريمن دی او په ازمېښتونو کې پټ دی، ځکه دا د رحمن سنت دی.

•    تندر نه رسيږي مګر دنګو څوکو ته.