نظــر

ای مسلمانانو! ای مسلمانانو!

ای  مسلمانانو ! ایا تاسو اورئ ؟ دلویدیز له درسګاهونو ، تحقیقاتي ادارو او علمي مرکزونو څخه پرله پسي   یو غږ موږ   مخاطب کوي ، مګر افسوس چې هیڅوک ورته غوږنه ږدي ، د هیچا وینه په جوش نه راځي او په هیچا کې غیرت نه را پاریږي ،
دا اواز چې موږ   یې    مخاطب یو   داسي وایې :  ای مسلمانانو!  ای زموږ غلامانو  واورئ ! ستاسو د بخت کاسه نسکوره شوه ، ستاسو د علم دریابونه وچ شول  او ستاسو دحکمرانۍ  لمر ډوب شو

اوس ستاسو دحکمرانۍ اوبادشاهي سره څه ، ستاسو مټي شلي شوي ، اوستاسو توري زنګني شوي ، اوس مو موږ باداران یو اوتاسو موغلامان ، ګورئ ! موږ له سره بیاترپښوپوري  تاسو  دغلامي په قالب کې اچولي یاست ، جامه مو  زموږ  ژبه  مو زموږ، اوزموږ په  طور طریقو غوره کولو سره   ستاسو دفخر سرلوړیږي ، ستاسو تنکي  تنکي  ماشومان چې کله زموږ قومي نشان  اومذهبي شعار  ټایي په غاړه مکتب ته ځي  نو ددي لباس په لیدلو سره ستاسو څومره زړونه خوشحاله کیږي ،

موږ څه بي عقل نه ؤ ، موږ ستاسو زړونه  او دماغونه  خپل غلامان کړل ،  اوس تاسو هر څه زموږ په سترګو وینئ ، زموږ په غوږونو هرڅه اورئ ،  اوزموږپه دماغ سره سوچ اوفکر کوئ ، اوس ستاسو په  وجودکې ستاسوهیڅ نشته ، اوس تاسو دژوندپه هره شعبه کې زموږ محتاج یاست ،  ستاسو کورونه  زموږ په ډول دي ، ستاسو په دماغونوکې اوس زموږ فکرونه دي ، ستاسو په مکتبونو اوښوونځیوکې  اوس زموږ له لوري  مرتب شوی نصاب دی ،  ستاسو په بازارونو کې  اوس  زموږ سامانونه  او په جیبونو کې مو زموږ   سکې [ډالر] دي.

ستاسو روپۍ [سکي ] موږ مخکي لاله خاوروسره خاوري کړي ، اوس به تاسو څنګه زموږله حکم نه سرغړونه وکړئ ؟  تاسوپه  میلینونو  اواربونو  زموږ قرض داریاست ، ستاسو ټول  اقتصاد زموږپه  لاس کې دی ، ستاسو منډیي  اوعام بازارونه  زموږ درحم اوکرم  انتظار دي ، اوستاسو ټولي تجارتي اداري  سهار په  لمرختلوسره زموږ دسکي [ډالرو ]  سلام کوي ، تاسوخوپه خپلو ځوانانو ډیرنازیدلاست ، تاسوبه ویل : زموږ خاوره زرخیزه ده ،  نو واورئ !  له دي زرخیز  زمکي  نه  موږ  له هیروین او سګریټوډکي کړي ، شهوت پارونکي  تصویرونو،  دزنا پارونکي  فلمونه  اودپیسوګټلو په  نمکینو اوبو مودرته  له کاره  وایستلي ،
  تاسوپه  خپلو سپاهیانو ډیرنازيدلاست  ، اوس ورشئ یوځل خو دخپل فوج   دوسلو زیرمتونونه  وګورئ.

که  موږ لاس ونیسو ستاسو ټول نظام به  له منځه لاړشي ، اوس تاسو زموږ له اجازي پرته  په چا بریدنه شي  کولی.

لاړشئ   اوس ستاسو خیرپه دي کې دی  چې موږ دژوندکومه طریقه  اودحکومت  کولو کوم ډول درښودلی  له هغه دسروېښته هومره  انحراف  مه کوئ ،
خوپام چې زموږله غلامي  څخه دوتلو کوشش ونه کړئ ، اوزموږباورهم همدادی چې تاسو به  کلونه کلونه  داسي ونه کړئ ،ځکه چې  ددي کوشش څومره محرکات ؤ  یعني دایمان ټینګوالی ، دجهاد جذبه ، پوخ فکر ، دیني غیرت  هغه ټول موږ ستاسو له  روڼ آندو  مفکرینو  اوعالمانو څخه  ددنیا په  یوڅو نمایشي اوآسایشي شیانو  اخستی.

موږ ستاسو ښځي  له ښځو دتلویزیون  په ذریعه دبي حیایي  میدان  ته راوایستلي ، دسنګار  اوښایست په پلمه موترې  پړوني ایسته کړل ، اوستاسو دځوانانو میړانه موپه  بربنډ اوفحش فلمونه   ورځيني یووړه ، اوس  به تاسوکې  خالدبن ولید ، طارق بن زیات ، عمربن عبدالعزیز ، صلاح الدین ایوبي ، سلطان محمودغزنوي ،  احمدشاه  ابدالي ،  اومیرویس غوندي  څوک پیدانه شي.

بیا خصوصا ستاسو علماء مودهغوی په  مدرسو اومسجدونوکې په کښېنولو سره  یودبل سره دجنګولو اوتکفیري ټاپولګولوکې بوخت کړل چې په دي سره  زموږ دفکرونو او کلتور لپاره لاره خلاصه شوه ، ستاسو  روڼ آندي   اومفکرین دترقي یافته اوموډرن  کیدلو شوق  کې ملحد اوزندیق شول اوزموږ دفلسفي ترټولو ښه  خورونکي شول

ستاسو په  ښوونځیو کې  زموږ نصاب  ستاسو دځوانانو زړه اودماغ کې ترموږ په ښه طریقه  له مذهب څخه  په بغاوت کولو را وپارول ، ستاسو داقتدار خاوندانو خپل ټول وسائل  ستاسو په بي حیايي کولو ، بي غیرت کولو  ، بي دین کولو لپاره زموږ په اشاروسره  استعمال کړل ،  موږ  ددي ټولو ډیرشکرګذاره او منندوی یو،

ستاسو مذهب په تاسو ډول ډول بندیزونه لګولي ؤ چې داحرام  ها حرام دي ، داجائز اوها  ناجائز دي  دژوندلاري یې په تاسو تنګي کړي وي ،  خوموږ تاسو ته  دژوند یوه نوې لاره  دروښودله  اوتاسو مو دحرام   اوحلال   له قیده خلاص کړئ ، آیاتاسو په دي سره زموږ مننه  اوسپاس ګذاري نه کوئ ؟  

ای مسلمانانو  ! ای زموږ غلامانو! ایاتاسو اورئ ؟

لیکوال: محمد فزیر

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x