شعـــــرونه

غزل/ نصيب رحماني

نصيب رحماني

د بیوسۍ د انتها دیوال ته وژړیده
هسې له شرمه په مسکا دیوال ته وژړیده

تاته یې هسې د مسکا څيره در وښودله
ته چې روان شوي تر صبا دیوال ته وژړیده

زما د سفر اوازه دومره تاثرناکه وه چې
لکه د بُت په بسم الله دیوال ته وژړیده

ماته یې ټوله د یوسف کیسه په سترګو وکړه
شوه راله غاړې زلیخا دیوال ته وژړیده

د کلي خان چې وه بیګا ورله ډوډۍ ورکړې
هغه مورکۍ لاس په دعا دیوال ته وژړیده

رحماني! تاته یې کتل تر ډېره،ډېره پورې
رحماني! ته شولي پنا دیوال ته وژړیده
ــــــــ
نصیب رحماني

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x