ګډ حکومت ولي د امریکايي جنایاتو مدافع دی؟!

نن ټکی اسیا – سرلیکنه:

وروسته تر دې چې امریکايي ځواکونو د ننګرهار په اچین ولسوالۍ کې د بمونو د مور په نوم تر ټولو لوي بم وازمایو د پخواني ولسمشر حامد کرزي په شمول یو زیات شمیر ولسي شخصیتونو او سیاسیونو د دې بمې آزموینې په وړاندې غبرګون ښکاره کړ.

خو د ملي یووالي په نوم د ګد حکومت چارواکو د دغه ولسي غبرګون په وړاندې حساسیت وښود آن تر دې چې اجرائیه مشر ډاکټر عبدالله خپل سلاکار محمد داوود اساس له دندې ګوښه کړ.

ښاغلي اساس له رسنیو سره په خپلو څرګندونو په افغانستان کې د امریکايي بم آزموینه غندلې او هغه یې د افغانستان پر خاورې تجاوز بللی و.

که څه هم چې د ګډ حکومت چارواکي وايي چې دا بم آزموینه له دوي سره په قبلي توافق تر سره شوې ، خو پر هغې باندې د ځینو لوړ پوړو دولتي چارواکو نیوکې دا څرګندوي چې هغوي په جریان کې نه و اچول شوي.

ځکه په پاکستان کې د ګډ حکومت سفیر او د ولسمشر غني خاص استازی ښاغلی عمر زاخېلوال هم د ګډ حکومت د رسمي ممثل په حیث پر یادې بم کارونې نیوکه کړې او هغه یې د افغانستان د ځمکني تمامیت خلاف عمل ګڼلی.

دا چې د ښاغلی زاخېلوال په کچه مهم دولتي چارواکی د امریکایانو پر دې عمل نیوکه کوي او هغه غندي ښکاره خبره ده چې د ده حکومت د بم آزمایلو له قبلې اطلاع څخه ناخبره ساتل شوی ځکه ده ته هم پر وخت په قناعت ورکولو کې پاتې راغلی.

دا ښکاره خبره ده چې په افغانستان کې د امریکایانو له لوري دغه ډول پوځي آزموینې په ښکاره د افغانستان د استقلال او د هغه د ارضي تمامیت صریح نقض دی، یواځې امریکایان او دهغوي ملاتړی (ګډ حکومت ) دی چې په ډیرې بې شرمۍ سره له دغه ستر امریکايي جنایت څخه دفاع کوي او هغه ته د داعش د له منځه وړلو پرتوګ ور اغوندي.

دا چې ولي ګډ حکومت په دې موضوع کې د امریکايي جنایاتو د مدافع وکیل موقف غوره کړی وجوهات یې ښکاره دي.

همدا امریکایان دي چې ګډ حکومت یې پر ولس تحمیل کړی او د خپلو بمونو او وسلو په زور یې د هغوي له قهره ژغورلی، که همدا نن امریکايي بمونه او وسلې نه وي په هغه ورځ د هغوی تحت الحمایه حکومت سقوط کوي.

همدا لامل دی چې د ګډ حکومت ټول چارواکي په خپل هیواد کې د خپل ولس پر سر له هر ډول امریکايي جنایت څخه دفاع کوي او د هغوی په لاس د خپل هیواد اشغال او خپلو مظلومو هیوادوالو عام وژنه د وخت ضرورت ګڼي.

د داعش وحشت په بشپړه توګه د غندلو وړ ځکه دی چې هغه خپله په افغانستان کې د امریکايي اشغال محصول دی.

افغانان داعشي جنایاتو ته په هغه سترګه ګوري په کومه چې امریکايي جنایاتو ته ګوري.

امریکایان ، د هغوی داخلي ملاتړي او داعش د یوه شیطاني مثلت هغه مرکب عناصر دي چې په افغانستان کې د وحشت ، ترور او جګړې غځولو لپاره یو د بل ممد دي، او افغان ولس ته له همدې ملوثو عناصرو څخه د ځان ژغورنې لپاره د هغوي په مقابل کې له مقاومت او مقابلې پرته بله هیڅ لاره نه ده ورپاتې.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
محمد حذیفه
میلمه
محمد حذیفه

دداعشی خوارجو نوی نوی نا پړیتی داعشی خوارجو د خپل مزعومه خلافت له آغاز او اعلان نه وروسته بیا تراوسه د قاعده الجهاد تنظیم او بیا خاصکر د طالبانو اسلامی امارت تر بیا بیا لفظی حملی لاندی نیولی دی اوله اسلامی نصوصو نه یی د خپل منحرف فهم له وجهی قسما قسم تورونه پری لګولی لکه د قومیت ، دبهرنیو هیوادونو د استخباراتو لاسپوڅی او دهغوی د ګټو لپاره جګړه کوونکی، له روافضو او ددوی په زعم له صحواتو نه ملاتړ او ورسره خواخوږی، قبر پرستشی یعنی دا چی طالبان ولی زیارتونه نه نړوی او ولی خلک له زیارتونو نه… نور لوستل »