حکمتیار ولي د بمونو د مور پر آزموینې خاموش دی؟!

شاهد (غزنیوال)
د امریکایانو لخوا د ننګرهار په اچین کې د بمونو د مور پر آزموینې باندې د یوشمیر افغان سیاست والو لخوا مثبت او منفي غبرګونونه ښکاره شول.
مثبت غبر ګونونه د هغو کسانو له لوري وو کوم چې اوسنی تمویل او تجهیز یې د امریکایانو لخوا د دې لپاره کیږي چې د دوئ د ا ډول کړنو ته توجیهات او مبررات پیدا کړي.

او منفي غبرګونونه د هغو له لوري وو کوم چې په افغانستان کې د امریکا له اشغال سره مخالفت لري او یا بالفعل د هغه په وړاندې مقاومت کوي.
د بمونو د مور د آزموینې د مؤیدینو او مخالفینو ترمنځ یوشمیر سیاسیونو د مصلحتي تذبذب موقف غوره کړی چې هغه یې نه تائید او نه هم غندلې ده.

د دغو ښاغلیو په ډله کې حکمتیار صیب هم دی چې معمولا به یې دغسي پیښې د ځان لپاره طلايي چانس ګاڼه او پر وخت به یې ترې ګټه پورته کوله.

که څه هم چې ښاغلی حکمتیار اوس نه په هغه موقف کې دی چې د دا ډول پیښو په اړه خپل دریځ ولري او نه هم تري په دې اړه د کوم ثابت دریځ لرلو هیله کیدای شي؛ ځکه نوموړی د شهرت طلبي او انانیت یوه داسې نادره غریزه لري چې د ده ټولې کړنې او مواقف د هغې په اشباعولو پوري مرهون دي.

د یبلګې په توګه کله چې د لومړي ځل لپاره امریکايي پروژې (داعش) په افغانستان کې ظهور وکړ او ټولو افغانانو یې له هماغه پیل نه له نامه سره حساسیت څرګند کړ، ښاغلي حکمتیار د یوه ځانګړي فرمان له مخې خپلو (خیالي ) مجاهدینو ته حکم صادرکړ چې د طالبانو او داعش ترمنځ د مقابلې په حال کې د داعش لیکي ټینګې او د هغوي حمایت وکړئ.

د ښاغلي حکمتیار د دې فرمان موخه دا نه وه چې داعش د طالبانو په نسبت په حق دی باید حمایت یې وشي؛ بلکي اصلي موخه یې خپل هدف ته ځان رسول و چې د دغه ډول فرمان په صدور سره به یې کم ترکمه یو دوې ورځې نوم د خبري رسنیو په سرخط ( headline) کې واوړي را واوړي.

څو ورځې وړاندې چې کله یې د څووم ځل لپاره په کابل کې احتمالي ظهور له موانعو سره مخ او نوموړی د سختي مایوسۍ ښکار شو په یوې بلې ناپړیتې کې یې د طالبانو په خلاف په لاندې شرحه د ((جهاد)) فتوی صادره کړه:

((د طالب په نامه زېږېدلى تحريك په اصل كي د اسلام دښمنانو د مجاهدينو د ځپلو لپاره وزېږولو، د هغوى لومړى مأموريت دا دئ چي مجاهد شخصيتونه په دوكې، غدر، خيانت، بې مروتۍ او غلچكيو بريدونو سره له منځه يوسي ، د دې فتنې په وړاندي بايد ټول مجاهدين او ټول افغان ولس داسي راپاڅي لكه چي د كمونستانو په ضد راپاڅېدل، بايد اسلام او هېواد د دوى له شر او ضرر وژغورو، د دوى شر هم تر كمونستانو زيات دئ او هم د اسلام له نورو كورنيو او بهرنيو دښمنانو)) . جناب حکمتیار صیب په دې فرمان کې خپلو نویو دوستانو او د هغوی ولي نعمتانو ته د خوش خدمتي په خاطر ډیر زیار کښلی و چې ګوندي له امله یې کابل ته د ور رسیدو خنډونه ورباندې له منځه یووړل شي، خو کله چې یې ګډ حکومت په خوش خدمتي ځان کوڼ واچاو نو بیایې سمدستي همدغو د ده په خبره تر کمونستانو او د اسلام تر داخلي او خارجي دښمنانو زیاتو شریرو( طالبانو) ته نا غوښتلې مشورې ورکړې چې که غواړي د ده په څیرله ګډ حکومت سره یوځای شي دی حاضر دی د جانبینو ترمنځ د وساطت تضمین وکړي.

د ښاغلي حکمتیار په دې ټولو ضد او نقیض مواقفو کې اصلي خبره د ده غریزه یې مشکل دی چې هم یې د هغه د اشباع په خاطر ځان تباه کړ، هم ولس او هم هیواد.

اوس داسې ښکاري چې له ګډ حکومت سره د تقرُب سوچ یې د غریزې هیجان څه اغیزمن کړی وي، ځکه یې په اچین کې د بمونو د مور پر آزموینې د غبرګون ښودلو په ځای د سیاسي تخنُث موقف غوره بللی دی.

7
تبصره وکړئ

avatar
7 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
khushal
میلمه
khushal

خکمتیار ځکه په دی اتومی بمب جوپ پاتی دی چه دا بم د حکمتیار له راتګ د مخه چه داعشیانو ته شهرت ورکړ شوی وی او د داعشیانو منظمه قومانده حزب ته وسبارل شی دا بم وکارول شو نو حکمتیار لیونی نه دی چه له دغه رازه پرده پورته کړی هم مادی او هم معنوی ځانوژنه وکړی . مننه

فدامحمد نومير
میلمه
فدامحمد نومير

بسم الله الرحمن الرحيم ط د بمونو د مور د غندلو په خاطر جهان سوځي مځکه سوځي ، غرونه سوځي ، بيابان سوځي د انسان په تناره کي انسان سوځي تور دودونه ، سرې لمبي دي په هر لوري د باروتو په اورو کي جهان سوځي نه پوښتنه ، ګرويږنه او نه سوال سته ښار ، کوڅه ، کلۍ ، بازار ، مسلمان سوځي د ادم و ورکيدو ته يې هو‌‌‌‌‌‌‌ډ کړئ بحر و بر ، پورته په هسک کي مرغان سوځي په اچين کي خواري ميندي يې کړې بوري فلسطين ، شام و عراق ، افغانان سوځي د بمونو… نور لوستل »

ساحل
میلمه
ساحل

د شاهد غزنیوال په نامه لیکوال تل په خپلو لیکنو سره هڅه کوي، چې هېواد لا هم د کړکېچ پر لور یوسي. هغه داسې چې د نوموړي ورور لیکنې تل د سولې پر ضد او د سولې د سبوتاژ کولو لپاره کیږي. پورتنۍ لیکنه یې هم له همدې ډول لیکنو څخه یوه لیکنه ده. زما په آند د دې اړتیا نشته، چې تل او همېشه دې حکمتیار په خپله د یوې موضوع او حادثې په اړه دریځ ښکاره کړي. همدا کافي ده چې په کابل کې د حکمتیار په مشرۍ د اسلامي ګوند استازو افغانستان کې د امریکا وروستی وحشت… نور لوستل »

رحمت الله رحمت
میلمه
رحمت الله رحمت

شخصا حکمتیار اوس د سیاست له صحنې وتلی ، ټول مصروفیت یې له خپل ځان او کړنو څخه د هغو لیکنو په دفاع کې تیریږي چې په فیسبوک کې د ده په اړه لیکل کیږي. چې د څو لیکنو عنوانونه یې په لاندې ډول دي: كه په علمي ډگر كي د حكمتيار د مقابلې شوق لرئ چل به ئې زه دروښيم!! د حکمتیار د تالیفاتو په سیمینار کي څه وو چي ته یی و چیغولي ؟ اگردرمیدان علمی شوق مقابله باحکمتیار را دارید چل آنرا من برایتان نشان میدهم ! – او نورې ډیرې لیکنې چې ځیني یې په خپل… نور لوستل »

pattang
میلمه
pattang

ساحل خانه اسلام علیکم ! د حزب اسلامي غړي د کرزي په دولت کې وزیران او ورګډ وو اوس هم پ دولت کې ور ګډ او مشاورین دي هغوی خدای رسول او پښتو ته مخ نلري ! یواځې ملا شلګري چې د اولسي جرګې غړی دی دغه لوی بم او جنایت ډېر کم وغانده خو د حکمتیار استازو د بم هر کلی وکړ ! دا مخلوق دالرو ړوند کړی او د پيسو رنډۍ یې ترې جوړه کړې دغه حیوانات حق باطل او بر خلاف ګڼې ! بیا وایې هم چې هلته دداعشیانو ښځې او کوچنیان هم وو چې ټول ټول… نور لوستل »

محمد احمد
ایډیټر

د ساحل ورور په ځواب کې! لومړی : په افغانستان کې د واقعي سولې تأمین یواځې د اجنبي اشغال او د هغه د عوامو په له منځه وړلو کې ممکن دی . د اجنبي اشغالګرو په شتون کې که هرڅوک د سولې په نوم ډرامو کې ګدیږي دا د اشغلګرو اشغال او د هغوي تحت الحمایه رژیم ته له مشروعیت ورکولو پرته بله هیڅ معنا نه لري. د کابل له تحت الحمایه رژیم سره د ښاغلي حکمنیار یوځای کیدل یا سوله کول زمونږ د پورتنۍ ادعا ښکاره بیلګه ده. دوهم : ساحله وروره ما تل کوښښ کړی چې په خپلو… نور لوستل »

اقبال
میلمه
اقبال

غزنیوال صاحب او ټولو رشتونو مسلمانانو ورونو سلامونه می ومني اما بعد: ستاسی ټولی لیکنی شات او شدی دی، الله ج دی اجرونه درکړی د ساحل په خبرو خوابدی مه احساسوه، حکمتیار کله د ساحل او کله د حقمل او داسی نورو نومو تبصری او لیکنی لری . حکومتیار او حزب ته یی د داعشی ملیشو قومانده سپارل شوی ، د دوه جهادو ویاړنه نه لری له هغه وروسته چه د سوړ جنګ د غلامی تړون لاسلیک شو ( د روسانو او امریکایانو جنګ چه افغانان پکی استخدام شوی وو ) حزب، جمیعت ، سیاف او نور د امریکا مامورین… نور لوستل »