fbpx

روزګان: د شري واکسین څلور ماشومان مړه او یو شمېر سخت ناروغ شوي

نن ټکی اسیا (يکشنبه، ۳ غویی، ۱۳۹۶): د روزګان په ګیزاب ولسوالۍ کې د شري واکسین له امله څلور تنه ماشومان مړه او شپږ تنه نور ناروغ شوي دي.

د روزګان د والي ویاند دوست محمد نایاب رسنیو ته ویلي چې تېره اونۍ د ګیزاب په ولسوالۍ کې د شري واکسین کمپاین تر سره شو، په دغه کمپاین کې د واکسین د ناسم تطبیق له امله څلور تنه ماشومان مړه او شپږ تنه نور سخت ناروغ شوي دي.

د روزګان د عامې روغتیا رئیس ډاکټر خان اغا میاخېل هم د پيښې تایید کړی او ویلي چې نن سهار د ناروغه ماشومانو روغتیايي حالت د ډاډ وړ وو.

نوموړي ویلي چې په لیرو پرتو سیمو کې د واکسین د تطبیق لپاره غیر مسلکې کسان په کار ګمارل دغه ستونزې لري چې له امله یې دغه سي ناوړه پيښې را منځته کیږي.

او زیاته کړې چې د واکسین د خلاصېدو وروسته باید په شپږو ساعتونو کې ماشوم ته ورکړل شي، که تر دغه مودې وځنډیږي، او همداسي په ګرمه هوا کې وساتل شي، واکسین په زهرو بدلیږی.

avatar
  ګډون وکړئ  
خبرتیا غوښتل د