افغانستان

د ګډ حکومت د دفاع وزير او لوی درستيز استعفا ورکړه

نن ټکی اسیا (دوشنبه، ۴ غویی، ۱۳۹۶): بلخ کې پر شاهين قول اردو له خونړي بريد وروسته د ګډ حکومت د دفاع وزير عبدالله خان حبيبي او لوی درستيز جنرال قدم شاه شهيم له خپلو دندو استعفا ورکړه.

دفاع وزارت او ارګ ويلي، چې ولسمشر غني د جنرال عبدالله خان او جنرال قدم شاه شهيم استعفا منلې ده.

له تېرې ورځې راهيسې داسې ګنګوسې وې، چې ولسمشر غني د ملي دفاع وزير څخه د استعفا غوښتنه کړې، خو د دفاع وزارت سرچينو دغه خبر ناسم بللی و.

نن د ارګ په رسمي ټويټر کې راغلي، چې ولسمشر د ملي دفاع وزير او لوی درستيز استعفا ومنله.

د دفاع وزير او لوی درستيز بلخ کې پر شاهين قول اردو له خونړي بريد وروسته استعفا ته اړ شوي دي.

د تېرې جمعې په ورځ طالبانو مزار شريف کې پر شاهين قول اردو بريد کې له درې سوو زيات عسکرو ته مرګ ژوبله اړولې وه.

طالبانو د دغه بريد مسووليت منلی او د پنځوسو عسکرو د وژل کېدو او ټپي کېدو ادعا يې کړې وه.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x