نړۍ

اسرائیلي الوتکو د دمشق هوايي ډګر بمبار کړی

نن ټکی اسیا (پنجشنبه، ۷ غویی، ۱۳۹۶): د اسرائیل الوتکو د سوریې په پلازمینه کې د دمشق پر هوايي ډګر  بمبار کړی چې له امله یې تر اوسه د مرګ ژوبلې په اړه معلومات نه دي ورکړل شوي خو ویل کیږي چې په هوايي ډګر کې د وسلو هغه زېرمتون په نښه شوی چې شیعه سخت دریځه ډله «حزب الله» یې اداره کوي.

یوې سرچینې د رویټرز خبري اژانس ته ویلي چې د وسلو دغه زېرمتون کې د ایران له لوري سوریې ته لیږل شوي زیاتي وسلې ساتل کېدلی.

د سوریې نظام ته نیژدې خبري سرچینو ویلي چې پر هوايي ډګر تر بمبار وروسته د غټو چاودونو غږونه اوریدل شوي دي.

د حزب الله ډلې اړوند تلویزون «المنار» په خبرونو کې ویلي چې اسرائیلي الوتکو د دمشق هوايي ډګر په نښه کړی چې له امله یې ځاني تلفات نه دي اوښتي.

د امریکا په پلازمینه واشنګټن کې د اسرائیلو د استخباراتي چارو وزیر «یسرائیل کاتس» ویلي چې د حزب الله ډله له سوریې څخه لبنان ته درنې وسلې انتقالوي چې دوی ته هیڅ د منلو نه دي او دا ورته «سره کرښه» ده.

نوموړي ویلي چې هر هغه وخت به د حزب الله شیعه ډلې په ضد باندي بمبار کوي کله چې پوهه شي دغه ډله له سوریې څخه لبنان ته وسلې انتقالوي.

د کتونکو په باور د سوریې نظامي ځواکونه که څه هم د هوايي دفاع لپاره پرمختللي روسي وسایل لري او روسیه هم په دغه هیواد کې پراخ حضوري لري خو د اسرائیلي الوتکو پر ضد باندي د هر نوعه اقدام څخه ډډه کوي.

د الجزیره تلویزون د راپور سره سم پنځه ورځې تر مخه د «القنیطره» په سیمه کې هم اسرائیلي الوتکو بمبار وکړ چې له امله یې ۳ سوري عسکرو ووژل شول او همداسي د اسرائیلي پوځ ټانګونه دغه سیمې کې د سوریې خاورې ته ور ننوتلي وو.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x