افغانستان

روزګان او کاپيسا کې پر ملي اردو او اربکيانو بمبار مرګ ژوبله اړولې

نن ټکی اسیا (يکشنبه، ۱۰ غویی، ۱۳۹۶): د روزګان ولايت مرکز ترينکوټ ته څېرمه کوټوال او د کاپيسا تګاب ولسوالۍ احمدزويو کلي کې د ګډ حکومت د دفاع وزارت څرخکو د ملي اردو او اربکيانو پر پوستو بمبار کې يو شمېر عسکرو ته مرګ ژوبله اړولې ده.

د روزګان ولايت امنيتي چارواکو ويلي ، چې تېر ماښام کوټوال سيمې کې پوځي چورلکو د ملي  اردو پر پوسته بمبار کې دوه کسان وژلي او شپږ نور يې ټپيان کړي دي.

د ترنيکوټ د دولتي روغتون ډاکټر ذوالفقار وايي، چې د ملي ادرو دوه مړي او څلور ټپيان ور وړل شوي دي.

بلخوا د کاپيسا ولايت چارواکو هم ويلي، چې د ملي اردو چورلکو د تګاب ولسوالۍ په احمدزيو کلي کې د اربکيانو پر پوستې بمبار کې دوه اربکیان وژلي او نهه نور يې ژوبل کړي دي.

دا لومړی ځل نه دی، چې کورنۍ او بهرنۍ جنګي الوتکې د ملي اردو، پوليسو او اربکيانو پر پوستو بمبار کوي، بلکې له دې وړاندې هم دغه ډول پېښې د هېواد په ګڼو برخو کې شوي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x