ټولنیزه برخه

د شرابي درې کلنه لور

ژباړه:غلام عمرعبدالله

ژوند مي په نشو ، نافرمانیو او په بې ځایه کارونو راپیل کړ؛ پرخلکو مي ظلم کوی ، دخلکو حقوق مي ترپښو لاندي کول ، دسود مال مي خوړی ، تر ټولو زیان رسوونکی انسان وم. داسي یوه ګناه نه وه چي ما دي نه وه ترسره کړې ، سخت فاجر وم ، خلک زما له ګناهونو څخه په تکلیف او عذاب وه.

یوه ورځ مي زړه وغوښتل چي باید واده وکړم او یو ماشوم ولرم ، واده مي وکړ الله تعالی یوه لور راکړه چي دفاطمې نوم پر مي کښېودی او ډېره زیاته مینه مي ورسره لرل .

کله چي فاطمه لویه سول زما په زړه کي هم ایماني قوت لږ ډېر سو او په زړه کي مي له ګناه سره مینه لږ سوه ، هرکله چي به فاطمې زه پر شراب څښولو لیدم نو دشرابو (لوښی) به يې راڅخه ونیوی ، ماته به رانږدې سوه او زما مزاحمت به يې کوی دا په داسي حال کي چي دفاطمې دخپل عمر دوه کاله نه وه پوره کړي ، بس الله تعالی داسي ګرځولې وه چي داکار ترسره کړي ، همدارنګه څرنګه چي فاطمه غټېدل زما په زړه کي هم ایماني قوت ورسره ډېرېدی ، یو ګام به الله ته نږدې کېدلم او له یوې یوې ګناه څخه به لېرې کېدلم ، تر دې چي فاطمه د درې کلونو سوه ، (بس دالله فیصله وه ) فاطمه په درې کلنۍ کي وفات سوه.

(دفاطمې د وفات غم راباندي زورورسو) پس تر پخوا ډېر بد سوم ، هغه څه (صبر) مانه لاره چي مؤمن ته پر مصیبتونو باندي قوت ورکوي، نو ځکه تر پخواني حالت ډېر بد حالت ته وګرځېدلم ، شیطان په ما خپلي لوبي کولې تردې چي داسي یوه ورځ راغله چي شیطان راته وویل : نن داسي نشه وکړه چي مخکي دي نه وي کړې!

پس اراده مي وکړل چي باید دا نشه وکړم ټوله شپه مي شراب وڅېښل د شپې تیاره(تاریکي) مي په شرابو څښلو کې تېره کړل ، چي پدې وخت کي خوب غلبه راباندي وکړل .

په خوب کي وينم : چي دلمر رڼا له منځه تللې او تور سوی دی ، ټول سمندرونه په اور بدل سوي دي ، پر ځمکي زلزله ده ، انسانان دقیامت دورځي لپاره راغونډ سوي دي ، انسانان ډلي ډلي کېږي ، زه دخلکو په منځ کي ولاړ وم چي دیوه اواز کوونکي ږغ مي واورېدی چي فلانی دفلاني زوی دی ، اوس به دجبار ذات جل جلا له په وړاندي ودرېږي…

او فلانی مي وليدی چي له ډېري بېري یې مخ تک تور اوښتی و ، تر دې چي اواز کوونکی زما په نامه ږغ وکړ …

چي جباز ذات جل جلاله ته به وړاندي سي ، ټول خلک زما له شا او خوا څخه ورک سوه او دمحشر پر ځمکه هیڅ انسان پاته نه سو …

وروسته مي یو لوی مار ولید چي ډېر قوي و په داسي حال کي روان و چي خوله يې خلاصه نېولې وه ، زه له ډېري وېري په منډه سوم او یو کمزوری بوډا مي ولید ورته ومي ویل : آهااا : ته خو مي له دغه مار څخه وژغوره!

هغه راته وویل : بچيه زه کمزوری یم او نه دي سم ژغورلای..! خو دغه لوري ته ولاړ سه کېدلای سي وژغورل سې.

پس هغه لوري ته مي منډه کړه کوم لوري ته چي بوډا اشاره وکړل خو مار همداسي دشاه له لوري راپسې دی.

چي ګورم ناڅاپه له اور سره مخامخ سوم ، له ځان سره مي وویل : هاآا! ځه اوس دي دخلاصون لار وموندل کېدلای سي مار اور ته ولوېږي ، زه په منډه دهغه بوډا سړي لوري ته راوګرځېدم او مار هم رانږدې کېدونکی و بوډا ته مي وویل: تاته په الله سره قسم درکوم چي ته ما نه وینې چي له دغه مار څخه مي خلاص کړې..؟

د بوډا زړه زما پر حال نرم سو ، وئې ژړل او ویې ویل :

اې بچیه : زه کمزوری یم ، زه له تاسره دمرستي توان نه لرم ، د هغه غره لوري ته منډه کړه کېدلای سي نجات پیدا کړې ، ما هم د غره لوري ته منډه کړل خو مار زه تښتولی وم ، دغره پرسر مي واړه ماشومان ولیدل او وامي ورېدل چي ټول ماشومان زما لور فاطمې ته نارې وهي : هاآا فاطمې هله پلار دي هله پلار دي ورسه…

پوه سوم چي دا هم هغه زما لور ده…

خوشحاله سوم ځکه چي زما خو یوه درې کلنه لور مړه سوې وه ، زه يې پیدا کړم او تر ښی لاس يې ونیولم او په خپل کيڼ لاس يې مار راڅخه دفع کړ ، او زه له ډېري وېري لکه مړی داسي سوی وم ، وروسته په داسي يوې خوني (کوټه ) کي کښېناستم لکه ددنیايي ژوند یوه کټه او لور مي راته وویل الله تعالی فرمايي :

أَلَمْ يَأْنِ لِلَّذِينَ ءَامَنُوٓا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتٰبَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِّنْهُمْ فٰسِقُونَ[سُوۡرَةُ الحَدید : 16].

ژباړه : ايا د ايمان راوړونكو لپاره لا تر اوسه پوري هغه وخت ندى راغلى چي د هغو زړونه د الله له ذكر څخه ويلي شي او د هغه د نازل کړي حق په وړاندي سر ښكته كړي؛ او د هغو خلكو په څېر نشي چي هغو ته مخکي كتاب ورکړ شوى و، بيا چي يوه اوږده موده ورباندي تېره شوه، نو د هغو زړونه سخت شول او نن له هغو څخه زياتره فاسقان شويدي؟

لور ته مي وویل : اې لوري ددغه مار په هکله مي پوه کړه!؟

لور مي راته وویل : دا ستا بد عمل دی ، دې مار ته تا وده ورکړې او لوی کړی دي دی ، تر دې چي تا وخوري.

اې پلاره ! ایا ته نه پوهېږي چي د دنیا اعمال به دقیامت په ورځ په مجسم شکل را وګرځي؟

ورته ومي ویل : دا بوډا سړی ؟

ویل : دا ستا نېک عمل و چي کمزوی او سپک کړی دي و

تر دې اندازې دي سپک کړی و چي ستا پرحال يې ژړل او ستا پرحال يې ستا هيڅ مرسته نه سوه کولای.

لوري ! که چېري ته ما نه وای پیداکړې (الله نه وای راکړې) او په ماشومتوب کي نه وای مړه سوې نو دلته خو ما بل داسي شی نه درلود چي زه يې
(له دې عذابه) ژغورلی وای.

دی وايي : له خوبه راپاڅېدلم او چېغي مې کړې : اې ربه ! اې ربه! : هو ! أَلَمْ يَأْنِ لِلَّذِينَ ءَامَنُوٓا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتٰبَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِّنْهُمْ فٰسِقُونَ[سُوۡرَةُ الحَدید : 16].

ژباړه : ايا د ايمان راوړونكو لپاره لا تر اوسه پوري هغه وخت ندى راغلى چي د هغو زړونه د الله له ذكر څخه ويلي شي او د هغه د نازل کړي حق په وړاندي سر ښكته كړي؛ او د هغو خلكو په څېر نشي چي هغو ته مخکي كتاب و، بيا چي يوه اوږده موده ورباندي تېره شوه، نو د هغو زړونه سخت شول او نن له هغو څخه زياتره فاسقان شويدي؟

وايي غسل مي وکړ دسهار (سنت) لمونځ مي ادا کړ دتوبې اراده مي وکړه چي دالله تعالی لوري ته ور وګرځم.
مسجد ته چي ننوتلم امام همدغه ایات (أَلَمْ يَأْنِ لِلَّذِينَ ءَامَنُوٓا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتٰبَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِّنْهُمْ فٰسِقُونَ[سُوۡرَةُ الحَدید : 16].

ژباړه : ايا د ايمان راوړونكو لپاره لا تر اوسه پوري هغه وخت ندى راغلى چي د هغو زړونه د الله له ذكر څخه ويلي شي او د هغه د نازل کړي حق په وړاندي سر ښكته كړي؛ او د هغو خلكو په څېر نشي چي هغو ته مخکي كتاب ورکړ شوى و، بيا چي يوه اوږده موده ورباندي تېره شوه، نو د هغو زړونه سخت شول او نن له هغو څخه زياتره فاسقان شويدي؟

تلاوت کاوه.

پوهېږئ دا کس څوک و او څوک ترې جوړ سو؟

دا مالک بن دینار و چي وروسته دصالحینو دقافلې سردار او له مشهورو آئمهُ څخه وګرځېد رحمه الله ، هغه کس چي دشپې ډېره برخه به يې په تهجد لمانځه کي په ژړا تېرول.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x